Popular Bible Verses from Aefeso 4

Share

Iguanagĩrai tha mũndũ na ũrĩa ũngĩ, tuganagaai na muohanagĩre mũndũ na ũrĩa ũngĩ, o ta ũrĩa Kristũ aatũmire o na inyuĩ muoherwo nĩ Ngai.

Koragwoi hingo ciothe mwĩnyiihĩĩtie, mũhooreire na mũkirĩrĩirie; kiranagĩrĩriai mũndũ na ũrĩa ũngĩ mwĩ na wendo.

Tigagaai kwaragia mĩario mĩũru; aragiai o ĩrĩa mĩega ya gũthondeka na ya gũteithĩrĩria nĩ geetha andũ arĩa mekũigua mũkĩaria makagunĩka.

Thengiai gatagatĩinĩ kaanyu ũũru wa ngoro, maraakara, mang'ũrĩ, gũtetania, gũcambania, o hamwe na maũndũ marĩa mangĩ moothe mooru.

Mwaraakara-rĩ, menyagĩrĩraai maraakara matikamũhĩtithagie, na mũtikaarekage mũthenya ũtuke o mũraakarĩĩte. Tigagaai kũhe Ngoma mweke.

No mũhaka mwĩyaũre ũmũndũ wa tene ũrĩa ũthũũkĩĩtio nĩkũrũmĩrĩra merirĩria maaguo ma maheeni. Ngoro cianyu na meciiria maanyu no mũhaka cierũhio, na mwĩhumbe ũmũndũ mwerũ ũrĩa wombirwo ũhaanaine na Ngai, o guo wĩyonithanagia na ũtũũro mũrũngĩrĩru na mũthingu.

Geriai na kĩyo mũno gũtũũria ũrũmwe wa Roho wa Ngai ũrĩa ũmuohanĩĩtie na thaayũ mũgatuĩka kĩndũ kĩmwe.

Nĩ we waheire andũ a thĩ iheeo: agĩthuura amwe matuĩke atũmwo, angĩ anabii, angĩ ahunjia a Ũhoro ũrĩa Mwega, angĩ arĩithi a andũ, na angĩ arutani. Eekire ũguo nĩguo ahaarĩrie andũ oothe a Ngai nĩ ũndũ wa wĩra wa gũtungata, nĩ geetha eekĩre hinya mwĩrĩ wa Kristũ. Kwoguo ithuothe nĩtũgaakinyĩra ũrũmwe wa wĩtĩkio na ũmenyo wa Mũrũ wa Ngai tũkĩgĩe na ũgima tũgĩkinyĩre ũgima o ta ũrĩa Kristũ we mwene akoragwo naguo kũna.

Tũtigaagĩcooka gũtuĩka ciana iria ithinĩkanagio na mbere na thuutha, na ikaagaagio nĩ rũhuuho o ruothe rwa moorutani ma andũ arĩa maheenanagia, arĩa matũmaga andũ arĩa angĩ mahĩtie na ũndũ wa mawara marĩa mahũthagĩra. Handũ ha ũguo tũngĩaragia ũhoro wa ma tũtongoreetio nĩ wendo no tũkũre tũhaanane na Kristũ, ũrĩa arĩ we mũtongoria maũndũinĩ moothe.