Popular Bible Verses from Aefeso 6

Share

Nĩ amu tũtirarũũa na andũ no tũrarũa na moonene, maahinya, aathani a nduma a gũũkũ thĩ o na mbũtũ cia maroho mooru ma kũũrĩa igũrũ.

Ĩkagaai maũndũ macio moothe mũkĩhooyaga, mũgĩthaithaga Ngai amũteithie. Hooyagaai hĩndĩ o yothe o ta ũrĩa Roho arĩmũtongoragia. Nĩ ũndũ ũcio ikaragaai hingo ciothe mwĩiguĩte na mũtikaanakue ngoro; hooyagĩraai andũ oothe a Ngai hingo ciothe.

Mwĩhumbeei matharaita ma mbaara marĩa Ngai aheanaga nĩguo mũhote kwĩgita mawara mooru ma Ngoma.

Kwoguo oyai matharaita ma mbaara marĩa Ngai aheanaga, nĩ geetha rĩrĩa mũthenya ũrĩa mũũru ũgooka mũkaahota gwĩtiiria thũ, mũrũe nayo mũtigwo o mwĩhandĩĩte.

Hĩndĩ ciothe rekagaai wĩtĩkio ũtuĩkage ngo ĩrĩa mũrĩĩgitagĩra nayo. Wĩtĩkio nĩguo ũrĩmũhotithagia kũhoria mĩguĩ ĩrĩa ĩrakana rĩrĩa yaikio nĩ Ũrĩa Mũũru. Rekeei ũhonokio naguo ũtuĩke ngobia ya kũgitĩra mũtwe, nakĩo kiugo kĩa Ngai gĩtuĩke rũhiũ rwa njora rwa kĩĩroho rũrĩa mũrĩyohaga.

Nĩ ũndũ ũcio, kĩĩhandeei wega; rekeei ũhoro wa ma ũtuĩke mũcibi ũrĩa mũrĩyoohaga njohero, naguo ũthingu ũtuĩke gako karĩa mũrĩgitagĩra gĩthũri kĩanyu nako. Rekeei kĩyo gĩa kũhunjia Ũhoro ũrĩa Mwega gĩkoragwo arĩ kĩo iraatũ iria mũrĩikagĩra magũrũ maanyu.

Ngĩrĩĩkia ngũmwĩra mũgĩe na hinya mũnyiitaine na Mwathani na ũndũ wa hinya wake mũnene mũno.

“Atĩrĩĩrĩ, tĩĩa thooguo na maitũguo” nĩrĩo rĩathani rĩa mbere rĩrĩa rĩkoragwo na kĩĩranĩro atĩ: “Nĩ geetha maũndũ moothe maaku makoragwo marĩ meega na ũtũũre matukũ maingĩ gũũkũ thĩ.”

Inyuĩ ciana-rĩ, athĩkagĩraai aciari aanyu thĩinĩ wa Mwathani amu ũguo nĩguo mwagĩrĩirwo nĩgwĩka.