Popular Bible Verses from Forkynnaren 8

Share

Eg har lovprist gleda, for det finst inga anna lukke for menneska her under sola enn å eta og drikka og vera glade. Det fylgjer dei i strevet den tid Gud lèt dei leva under sola.

Hundre gonger kan eit menneske synda og endå få leva lenge. Likevel veit eg at det går godt for dei som ottast Gud, dei som har age for han.

For alle ting har si tid og sin dom. Det vonde menneska har gjort, kviler tungt på dei.

Ingen har makt over vinden, så han kan halda han att. Og ingen rår for sin dødsdag. I krig slepp ingen fri, og vondskap bergar ikkje den gudlause.

Om domen over vond gjerning ikkje straks vert sett i verk, får menneska mot til å gjera det vonde.

Det er noko meiningslaust som hender på jorda: Somme rettferdige må bera den straff som dei gudlause fortener, og somme gudlause får den løn som dei rettferdige skulle ha. Eg seier: Det òg er fåfengd.

Ingen veit kva som skal henda. Kven kan seia korleis det vil gå?