Popular Bible Verses from Forkynnaren 9

Share

Alt det du kan gjera med di hand, skal du gjera etter beste evne. For i dødsriket, som du går til, er det korkje arbeid eller plan, korkje kunnskap eller visdom.

Elles såg eg under sola: Det er ikkje dei lettføtte som vinn laupet, og ikkje dei djerve som sigrar i krig; dei vise får heller ikkje brød, dei vituge vert ikkje rike, og dei som kan noko, finn ikkje velvilje. Tid og lagnad møter dei alle.

Nyt livet med den kvinna du elskar, alle dagar i ditt fåfengde liv som Gud har gjeve deg under sola. For det er din lut i livet midt i alt det strev og slit som du har under sola.

Så gå og et ditt brød med glede, og drikk din vin med godt mot! Gud har då for lenge sidan samtykt i det du gjer.

Visdom er betre enn krigsvåpen, men ein syndar kan øydeleggja mykje godt.

Ord av vismenn som høyrest i ro, er betre enn hovdings rop mellom dårar.

Dei levande veit at dei skal døy, men dei døde veit ingen ting. Dei får ikkje lenger løn, for minnet om dei er gløymt.