Popular Bible Verses from Sab 3

Share

Ka Lazglafta nda Musa mantsa: « “Iʼi ná, Iʼi ya,” ka ka. Tsaya skwi dzaʼa ka mnanatá la Israʼila. “Iʼi ya ta ghunɗikta da kaghuni,” » ka ka dzaʼazlay.

Kaʼa nda tsi mantsa: « Kawadaga yu nda kagha. Ŋa graghafta kazlay iʼi ta ghunaftá kagha kəʼa, mamu ŋizla ta vlaghata yu: Baɗ hlagapta gha ta la Israʼila ma Masar ya, ŋa sagha ghuni da tsəlɓu ŋa ɗa ta na ghwá na, » kaʼa.

Kaʼa Yawe mantsa: « Ma gavagagha ka da hadna! Hlap hla ta ɓaɓah ma səla gha, kabga tsa vli hada ka ya ná, haɗik nda ghuɓa ya.

Ka Yawe mantsa: « Nda ngha yu kahwathwata ta sa duni ta sə mnduha ɗa ma Masar. Nda sna yu ta waha taŋ ta ghəŋa vəl ghuya ɗaŋwa ya ta ghuy gwal ta mara mbrakwa taŋ ta ghəŋa taŋ. Nda sna yu ta duni ta sə həŋ. Tsaya tama kəl yu ka saha da zluʼagaptá həŋ ma dzva la Masar. Dzaʼa hlaf hla yu ta həŋ ma Masar, ŋa hlaghata ɗa ta həŋ ta sana haɗik ká ka nda ɗinakwa ni, dagala guli, ta mbəzaku uʼa nda zuɗum mida. Tsa vli ya ná, haɗika la Kanʼana, nda la Het, nda la Amuru, nda la Periz, nda la Hiv, nda ya nda la Yəbus ya.

Ka zlagaptá duhwala Yawe da tsi ma zlghakwa vu ma takataka mubuk ka teki. Ka nghaŋtá tsi ta mubuk ka vu, ama haɗ ta draku guli wu.

Ndanana tama, sawi ta ghuna kagha yu da Firʼawna ŋa hligiŋta gha ta mnduha ɗa la Israʼila ma Masar, » kaʼa.