Popular Bible Verses from Sab 2

Share

Ka snaŋta Lazglafta ta tsa waha taŋ ya. Ka havaktá Lazglafta ka dzratá wa ni nda Abraham, nda ya nda Izak, nda ya nda Yakubu. Ka nghanaghatá Lazglafta ta la Israʼila. Ka snaŋtá Lazglafta ta nzakwa taŋ.

Tahula luta vaku kaɗ ka skwi mida tama, ka mtutá mghama Masar. Ka ŋaɗ la Israʼila ta ghəŋ, ka wahu, ka ɗawa katu ta ghəŋa datá vgha taŋ ma ga vuʼa, ta maga slna mbraku. Ka ɓhatá tsa waha taŋ ya da Lazglafta.

Glavata tsa zwaŋ ya, ka klaftá ma ni ka klədanaghatá makwa Firʼawna. Ka nutá tsa zwaŋ ya ka ŋa ni. Ka tsanaftá tsi ta hga ni ka Musa, kaʼa mantsa: « Ma imi klagapta yu, » kaʼa.

Ka makwa Firʼawna nda tsa marakw ya mantsa: « Kla ta na zwaŋ na, ka sa ka ta uʼa ŋa ni da manaka ɗa, dzaʼa plagha pla yu ta nisəla gha, » kaʼa. Ka klaghatá tsa marakw ya ta tsa zwaŋ ya, ka vla uʼa ni ŋa ni.

Ka laha makwa Firʼawna da ghwa da mbaza ni. Ka wawaku sana kuʼaha ta pghay ta wawakwa taŋ ta wa tsa ghwa ya. Kəʼa ka tsa makwa mgham ya ná, ka nghaŋtá tsi ta tughba ma zaŋwafiha, ka ghunaftá tsi ta kurɗa ni da klanakta.

Ma sana fitik, nda gla Musa ka duhwal tama, ka sliʼaftá tsi ka labi da nghanaghatá zwana ma ni la Hebru. Ka nghanatá tsi ta blakwa slna fanagha lu ta həŋ ŋa magay ka mbraku. Ka nghaŋtá tsi guli ta sana mnda la Masar ta dza sani mataba zwana ma ni la Hebru. Ka naghapta Musa, ngha a ta mndu wu. Ka dzatá tsi ta tsa mnda la Masar ya ka lamta ma wutak.