Popular Bible Verses from EFESNA 4

Share

Lagi jivira u minda eg tagiya tagiya, ɦeɓegi hurugi ki eg tagiya, ko Lona hinigi coogira ki hu Kristura na may.

Lakagi ɗiliya, u lalamba, u juɓpa, njunugi u tagiya tagiya u minda.

Hin boy ma dawi a kal ki funugiɗi, dagi boy ma gasi a njun u suu hiŋŋa a wulusi kolo hu viisira, li jivira maŋ asi suu ka humugina may.

Hinigi huu ma cona ki egegi day. Dlara ɓeŋ huna u yara, sawalla u ŋgulla. Doo tagi kay a li dla cora halaŋ.

Lini hurugi mbuɗ ya wa ni, gol tagi jiviya kal tagi hu coraɗi, ɗik faɗta u yara hurugiɗi. Ҥal tagi ki maŋ Satannaɗi.

Hinigi dlaagira basira kiyo, ta tuɗugi hu poy mayra cora jak ki jewra, dlaagira basi ndaɗta ni ganyamba ba sana kira. Agi mbuɗugi tagi ki wiliya humugi u Musukka u saa magira halaŋ. Cukugi bakka wilira egegiya, ni ta mini tli taɗ u Lonara ndaɗta tak ki kay iiri mayra ɗegeera u gasira.

Soogi tagi kay a vi taɓpa Musuk Lonara ɦagirara u heɓ mayra njunugi eg tagira.

Sa ma ɦal ɦala maŋ suunana suu ɦiw nam ɦasi a suu vovoɗta, suu hiŋŋa a suu jok vun Lona, suu ɦiw a suu di Boy ma Ayra, suu ɦiw a suu pastergina, u suu haɗ suuna. Nam li na ni kay a min ii suu vina ki u Lona kay asi mba li sunda duk suu vi Kristuna. Kay a wul mbalata Kristu kolo hu vira. Lini na ni aygi halaŋ taɓ ko taygi hu vira dew, hu wiygira kay Goŋ Lonna ni aygi hin mbuɗ ni suu ŋgolona, wul ma wul kolona hin mba li ŋgaay gasi hu Kristu.

Ni aygi ka hin li ko kemba na oloɗi, a semeɗna zuɗuy tana tani naɗi, a hum u haɗta vi suu daŋŋa zul kay ndaŋgara a ganyam suunaɗi, a cuk suuna hu dla cora asi laɗtaɗi. Ni na ɗow a di ki kay gasira u minda kay a wulugi kolo eg Kristu nammi yamba.