Popular Bible Verses from EFESNA 5

Share

Agi ni goryoŋ Lona suu nam minigina, soogi tagi ko nam lira na may. Poy magira mba tak ki u minda ko Kristu minigira na, ɦal iiri mamba ki kaya ko ɦala ɓivun ma fayatna ii Lona na.

Gol tagi jivi hu poyra agi poyra, poyogi ko suu laɓana naɗi, ko suu neeyna na. Lagi jivira hu dlara agi ka laɗta halaŋ kay lima aygi ka hurum cecemi wanna ni coo.

Guruɗugi tagi u summaɗi, kay dla ndaɗta ndak a tuɗugi hu poyra cora, hoɓogi ni u Musuk Lonara na ɗow. Njunugi tagiya tagiya, u soolla, gi soolla geleɗta u soolla Musukka, gi soolla geleɗ Bu Suuna, geleɗem u hurugi halaŋ. Gagi deɓ Lona Buna hu lina halaŋ u sem Bu Suuna mayna Yesu Kristu.

Ni kay ndaɗta lagi tagi laɓaɗi, soogi tagi kay a hum va ma Bu Suuna min a agi lamma.

Agi njufina minigi boyogogiya ko Kristu min suu vinara na may, ɦal iiri mamba ki kasiya.

Agi li ay jew ni hu ndufunda, cecemi hu taɓ magira u Bu Suunara agi mbuɗ ni hu kiɗikka, ni kay ndaɗta poyogi ko suu hu kiɗikkana na.

Humugi u tagiya tagiya kay humba agi ka hum u Kristura.

Boyogina humugi u njufuyugiya, ko agi hum u Bu Suunara na.

Boy namma dini magi agi may, lini nanagelay sa njufna min caamba ko tamba na may, cara vi vun njufuɗ may.

Ko magaara di ana, «Ni kay ndaɗta sana hin bum u sum kiyo kak u caamba, asi jak mbuɗ ni mbalatara dewra.»

Taɓagi u suu li dlara dadamba vi ndufundaɗi, takasi dlaasira ndaɗta ki kiɗiki.