Popular Bible Verses from Luka 6

Share

Ìì pii nɛ́b bəd in aa íí kə̀ naà rə kúnú, Vɛnɛ́b kɔ̀ dá ii aa kə̀ naà rə kíìn piinàá. Də́' bə̀ dá kə́dǹ aí dìgú, kə̀ tasaù sɔ̀ɔ̀nkèá, wáá bə̀ dá kudǹ sɔ̀ɔ̀nkè, bít bə̀ dákíìn sɛgəràá, nyìì dá zadǹ yɛ́b ba. Bə̀ dá ii də́'ǹ kə̀ in aa də́' íí sáá kə̀ nɛ́b bəd doó.»

Nɛ́ŋə̀ sɔ̀ɔ̀n gə́, vúŋ sáá insɔ̀ɔ̀nkè bəraa nyìì oò tɛ́mú roó. Zá nɛ́ŋə̀ vaksə́ bə̀ gə́, vúŋ sáá in vaksə́ bəraa nyìì oò tɛ́mú roó. In aa nyìì nɛ́ŋə̀ tɛ́mú rə, gú' oò kɔ̀ gám sáá taá.»

Zá aí gə́, ìì í' ɔ̀dmáàn íí bərá. Ìì mà' bə̀ sɔ̀ɔ̀nkèá, bít íí pii bə̀ kpobì gə́, ìì zíg tɛ́m baànmbə̀ káá boò bí' bənə́ kíin sí. Dáà íí mà'ì kə̀ aakíin gə́, mú'sɛ̀l dùm íí dá kuùm gbà'á, bít íí dá kuùm Vɛnɛ́b lɛgə́ paà bə̀ yɛb bərá. Kàandə, Vɛnɛ́b mà' sɔ̀ɔ̀nkè kə̀ nɛ́b aa bə̀ mɔ̀'ù síndoó, bít kə̀ nɛ́b vaksə́ bə̀ bərá.

Ìì nyìì kə̀ sɔ̀ɔ̀nkè tɛ́mú, kìínmbə̀ Báá íí Vɛnɛ́b kɔ̀ nyìì kə̀ sɔ̀ɔ̀nkè rə kíni.»

Yéésù tə́ diìn nɛ́b bəd in sáànmbə̀ ní: «Ìì fág nɛ́b bəd sí, bít Vɛnɛ́b kɔ̀ fág ii gá. Fág ìì kò' nɛ́b bəd sí, bít Vɛnɛ́b kɔ̀ fág kò' ii gá. Lɛ́' ìì dàà invaksə́ bəraa nɛ́b bəd mà' ii rə kíìn tɛ́m ba, bít Vɛnɛ́b kɔ̀ dá ii aí bə̀ kíìn lɛ́'ǹ daanàá.

«Zá mə́ tə́ ii kíìn baanàá, nɛ́b aa íí tə́ mə́ zɛŋ̀ yóo' Ìì í' ɔ̀dmáàn íí bərá. Nɛ́b aa tə́ ii zeèn də kɔ̀, ìì mà' bə̀ sɔ̀ɔ̀nkèá. Ìì dɛ̀d Vɛnɛ́b oò zíg nɛ́b aa tə́ ii dúùl də nɛɛ̀n yílú. Bít nɛ́b aa tə́ ii búúd í'ǹ də kɔ̀, ìì nyɛ̀m Vɛnɛ́b kə̀ boò ra.

Ìì mà' nɛ́b bəd kìínmbə̀ nɛɛ̀n aa íí í' boò kɔ̀ boò mà' ii rú rə kíin.

Nɛ́ŋə̀ nə́ŋ̀ zìb m nɛɛ̀n kàrì lám nə́ŋ̀ bə gə́, ǹ ì'ù lám kàd nə́ŋ̀ aa kɔ̀; bít nɛ́ŋə̀ nyá' kè' n dàálì gə́, ǹ dààù nyá' oò kè' kə̀ gɔ̀'wà dùù bə̀ tá. Nɛ́ŋə̀ aa yaà dɛ̀d n in də gə́ kóólé, m̀ piiù kúnú, bít nɛ́ŋə̀ pà' inì ám naà kɔ̀, ǹ dɛ̀rə̀ sɔ̀ŋ sí.

«Téé nyìì sɔ̀ɔ̀n bán wàà vaksə́ lɛbm̀bə̀ gá, bít téé nyìì vaksə́ kɔ̀ bán wàà sɔ̀ɔ̀n lɛbm̀bə̀ gá.

Téé nyìì gə́ kóólé, bə̀ dáù gabm̀ kə̀ wàà oòra. Bə̀ yɛ̀b gààm yɛb gəəku' nyìì bə gá. Kə̀ aakíin də kɔ̀, bə̀ yɛ̀b lèéǹ wàà ku' nyìì bə gá.