Popular Bible Verses from Luka 5

Share

Zɔ̀ŋ aa gám bɛ́' nwɔŋ gə́, bàà Simon: «Ǹ gbá' kə̀ə̀d də zɔ̀ŋ aa wəl dɛ́l kùm bəroó, bít ń kə̀ ɔ̀b ḿ bəd tá, ìì lɛ́l lìbə̀ íí bərá, bɔ̀b ìì kòd díbá.»

Simon kè' í'ù, bàà: «Nɛ̀ná, bə́ mà' tù' nwúun yɛd zé, in nə́ŋ̀má bə́ kò' sé. Zá ḿ bàà mə́ máà mà' kíìn yée gə́, má lìbə̀ kíìn gúràá.» Zɔ̀ŋ aa bə̀ gúd lìbə̀ gə́, bə̀ kòd díb zùúmá, lìbə̀ bəd sɔ̀d gbaàlm̀bìá.

Zá Yéésù gə́, zá' ɛ̀m fɔ̀gú, dá nyɛ̀m Vɛnɛ́bá, kə̀ nɛɛ̀n aa mà' sáá rú rə kíni.

Mə́ yaà nɛ́b wɔ̀ɔ̀lə̀ bəd dɛdǹmbə̀ gá, zá mə́ yaà rə, bɔ̀b nɛ́b invaksə́ bə̀ ma'ǹ bəd boò sɔ̀g kúnú.»

Zɔ̀ŋ aa Simon Piyɛr bé' in aa kàangə́, yaà pí' yɛ́b ba kə̀ dunlígə̀d Yéésù númú, bít bàà: «Ǹ gbad kíìn máá sunú, Báátììkpɛ̀ŋá. Máá gə́, mə́ nɛ́ŋə̀ invaksə́ bə̀ ma'ǹná!»

Yéésù kè' í' bə̀, bàà: «Nɛ́b si' gaŋsə́ bə̀ bəd sàà sə̀n nɛ́d ganté bə̀ gá, zá nɛ́b mad bə̀ bəd bə̀ sàà sə̀n nɛ́d ganté bìá.

Kàanyée gə́, sàb ìì àà kə̀ə̀d boò bəd wəl kàd ba. Zá' ìì dàà in boò bəd kíìn kóólé, bít ìì bàg Yéésù ra.

Nyàm nə́ŋ̀ Yéésù tə́ bìl nə́ŋ̀ə́ yée gə́, nɛ́ŋ váàndo nə́ŋ̀ si' oò pug kə̀ gərá, yaà wə́ə́ oò sunú. Zɔ̀ŋ aa bé' Yéésù kàangə́, yaà pí' wúb núù yɛ́b ba, oò númú, bít nyɛ̀m bààù kə̀ aakíin: «Báátììkpɛ̀ŋá, ń í'ì gə́, ń dá mə́ kíìn báàn si' nyɛ́'ǹmbìá.» Yéésù nàb nɛɛ̀n pigə̀ gə́, bít bàà: «Mə́ í' yàá, si' ń oò nyɛd kúnú!» Bít kə̀ nwɔŋ aa nuù yée kíinní, gərə́ oò nyɛd yàá.

Kàanyée ní, Yéésù nwɔŋ sa' ɛ̀m númú númú. Nɛ́b zùúm bəd yaà bə̀ wál oò sunú, oò bə̀ zɛŋ̀mbìá, bít oò mà' bənə́ gágnnə́ kúnú.