Popular Bible Verses from Luka 4

Share

«Báátììkpɛ̀ŋ Nwul tə́ máá yílú. Kàandə, sààvúŋ máà, bɔ̀b máà àà nɛ́b búúd bə̀ bəd Nwɔŋ Puu Sɔ̀ɔ̀nkèá. Tùm máà, yaà máà bàà nɛ́b aa tə́ wúltígə́l bə̀ rú rə, vú' bəǹ dá bə̀ kíìn lɛ́'nàá. Nyəd bəd kɔ̀ máà kèd bə̀ núùá, bìn máà lɛ́' nɛ́b aa bə̀ tə́ búúd í'ǹ doó. Bít yaà máà bàà nɛ́b bəd, zèd aa Báátììkpɛ̀ŋ dá bə̀ pə̀dkè oò i'ǹ bəroó.»

Yéésù kè' í'ù: «Núúboòd Gìdń bàà: ‹Ǹ káŋ Báá ḿ Tììkpɛ̀ŋ Vɛnɛ́b ḿ da, bít m̀ mà'ù tù' oò nə́ŋ̀ní tə́ŋtə́ŋ.› »

Yéésù kè' í'ù: «Bə̀ bád tə́ Núúboòd Gìdńnú kə̀ aakíin: ‹Nɛ́ŋə̀ dá gɔ̀ŋsə́ oò ko'ǹ kə̀ bə̀rɛ́d ní gá.› »

Yéésù nyììà kə̀ Nwul Gìdń gə́, zá'à Urdun nwuu kàd ba, bít Nwul Gìdń záá pà' ààù fɔ̀gú.

Yéésù kè' í'ù: «Núúboòd Gìdń bàà: ‹Də́' ǹ ɛ̀g Báátììkpɛ̀ŋ Vɛnɛ́b ḿ sí.› »

Zɔ̀ŋ aa Sámbàŋyɛ́rə̀ də́' ɛ̀g bɛ́' Yéésù kə̀ kpaŋ̀ luùm gɔ̀ŋ gɔ̀ŋ gə́, zá' dààù kúnú, yaà wə́ə́ sɛŋ ɔ̀d sɔ̀ɔ̀n nə́ŋ̀ gɔ̀ŋ bə zé.

Sámbàŋyɛ́rə̀ pà' ààù lɛgə́ poú, dá ì'ù gààd yɛ́b bəraa zɔ̀ŋə yɛ́b bərə kóólé, sɛŋ wàà zɔ̀gɔ̀ní, bít bààù: «Má n gààd bəraa yɛ́b bərə kpɛŋsɛ́l boò piìn kə̀ kaŋsɛ́l boò bəd tə́ kóólé, kàandə, bə̀ pii máà yàá. Máá kɔ̀ nɛ́ŋə̀ aa mə́ í' rə, máù kíìn báàn piìnmbìá. Ń káŋ mə́ì gə́, in bəraa rə kóólé dá kuùm ám bìá.» Yéésù kè' í'ù: «Núúboòd Gìdń bàà: ‹Ǹ káŋ Báá ḿ Tììkpɛ̀ŋ Vɛnɛ́b ḿ da, bít m̀ mà'ù tù' oò nə́ŋ̀ní tə́ŋtə́ŋ.› »

Sámbàŋyɛ́rə̀ pà' àà Yéésù Urusalima bìlú, dá díù láŋsə́ wúl yílú, bít bààù: «Ń tə́ Vɛnɛ́b wàà gə́, ǹ sə́d zɔ̀ŋə, dá m̀ pí' yɛ́b ba! Kàandə, Núúboòd Gìdń bàà: ‹Vɛnɛ́b dá malaika oò bəd tuùm boò nwán n kíìn sɔ̀ɔ̀nkè.› Bítsɔ̀ŋ: ‹Bə̀ dá n pa'ǹ boò nɛɛ̀n tɛ́mú, bɔ̀b m̀ də̀' dun bəŋ bə sí.› » Yéésù kè' í'ù: «Núúboòd Gìdń bàà: ‹Də́' ǹ ɛ̀g Báátììkpɛ̀ŋ Vɛnɛ́b ḿ sí.› »