Popular Bible Verses from Matiyu 5

Share

Vayaʼmogimo lamufiʼmo kani aeʼa kaeteʼapaeʼmo paketimo ayopiʼmo noʼmalafa hiʼyalamutekeʼmo malenageno muki ani nopiʼmo maiʼnaya vayaʼmo alagepa huno aeno ha leno apateʼnigeʼa ageʼa ha leʼa neʼmaiye. Ani kava hutapa vayaʼai apaulagaleʼmo kanitapimo aeta ha legeʼapao alagepa kavatapimo ageteʼapaeʼmo kokuʼnapi afotapimo agiʼaleʼmo aliʼa asaga huʼa ateyo.

Lapakaemo ma mopafi vayaʼai ha le yaʼapigana hutapa maiʼnae. Mago taonimo avefiʼmo ki maleʼnisaya taonimoʼmo fala kino ohanegaifa afole yateʼmo haneʼnisigeʼa agegae.

Yaveyave apaipa vayaʼmogi Gotiʼmo afaʼa agegayaʼmofeʼmo Goti aulena vayaʼmo maiʼnae.

Goti fatago kavaʼaeʼmo apaka neteya vayaʼmo apamisigeʼa neʼa apamu hugayaʼmofeʼmo Goti aulena vayaʼamo maiʼnae.

Lapa paiʼnayaʼmonanafa hemenimo nagaemo huʼnaeʼmo, kame vayatapieʼmo lapau lapayamopafiʼmo lapaino. Lifana gemo lapa nepaiya vayaʼaifeʼmo aulena gemo hapa paiyo. Lapakaefeʼmo apaini huʼnisaya vayaʼaitegamo alagepa kavaʼmo hiyo. Lapakaetegamo hosu kavaʼmo huteʼa apaini huʼa nelapatesaya vayaʼaifeʼmo nunumuʼmo huta apateyo.

Hapa painoʼaeʼmo, launelametefeʼmo kagemi yatimo ageta oʼmaleʼnona vayaʼmo maiʼnone, huʼa apakesamo neʼafisaya vayaʼmogimo Gotiʼa yagaino neʼapateya kegiʼyafiʼmo haiʼa maiʼnageno muki yaʼamo apakaiʼapi yaʼmo haneʼniyaʼmofeʼmo Goti aulena vayaʼamo maiʼnae.

Gotiʼa aliʼa nanu aeʼa neʼapataya vayaʼaifeʼmo hapa painoʼaeʼmo, mafaʼneʼnimo maiʼnae, huno hapa paigiyaʼmofeʼmo Goti aulena vayaʼamo maiʼnae.

Gotiʼa yulagefa neʼaiya vayaʼai apaipamo alino falu huno apategaiyaʼmofeʼmo Goti aulena vayaʼamo maiʼnae.

Fatago kavaʼapilefeʼmo apaini huʼa apateʼnageʼa maiʼnaya vayaʼmogimo Gotiʼa yagaino neʼapateya kegiʼyafiʼmo uʼa haiʼa maiʼnageno muki yaʼamo apakaiʼapi yaʼmo haneʼniyaʼmofeʼmo Goti aulena vayaʼamo maiʼnae.

Gotiʼa alu vayaʼaifeʼmo hapau huʼa apateteʼa hapa neʼmaya vayaʼaifeʼmo hau huno apateteno hapa maegaiyaʼmofeʼmo Goti aulena vayaʼamo maiʼnae.

Nagaetefeʼmo huʼa faipa huʼa lapatege apaini huʼa lapatege lapakaefeʼmo aigofe gemo huʼapaeʼmo, ani hosu kavaʼmo nehae, ina hosu kavaʼmo nehae, huʼa nehisayana Goti aulena vayaʼamo maiʼnae. Alopa miyatapimo kokuʼnapiʼmo lapateʼniya miyatapimo aligayaʼmofeʼmo lapaipafiʼmo alagepa huta lapamogaga aiyo. Apakaemo hogoteʼa ani agufa kavaʼmo huʼa maiʼnaya vayaʼmogimo Gotitegati gemo alini eʼa aeʼa hakalo huʼa hapa nepaiya vayaʼaifeʼmo apaini huʼa apateʼnayaʼmofeʼmo lapamogaga aiyo.

Himuʼnamu kavaʼmo osuʼa yagu yaga kavaʼmo huʼa neʼmaiya vayaʼmogimo muki afoʼapimogi yaʼmo mafaʼneʼapimogimo neʼaliya kava huʼa muki ma mopamo aligayaʼmofeʼmo Goti aulena vayaʼamo maiʼnae.

Lapakaemo ma mopafi vayaʼai hageʼapigana hutapa maiʼnae. Maiʼnayaʼmonanafa hagemoʼmo haga nehiya yaʼamo hano hisiyana haiya kava huno halate haga nehiya yaʼamo alino hamalegaiye. Aliʼyaʼamo ohanegaiyaʼmofeʼmo aliʼa yaga auʼa ataleʼnageʼa ani hageleʼmo apaiyaletiʼmo aeʼa umenitata nehae.

Kokuʼnapi Afotapimoʼmo alagepa kavaʼageʼmo nehiya kava huta alagepa kavaʼageʼmo hutapa maiyo, huno hapa paiʼniye.

He, nehutapaeʼmo heʼagekeʼmo hiyo. Haʼao, nehutapaeʼmo haʼaoʼagekeʼmo hiyo. Magoʼe huta hosu agufa gemo nehaya gemo alagi hosu vekalegatiʼmo neʼe.

Akeyaʼvilaga vayaʼmogimo huʼapaeʼmo, Mago vekamoʼmo kaulagamo aino apalo atisigekaeʼmo ani kava huka agae aulagamo aika apalo atiyo. Kaveʼmo aino atafaisigekaeʼmo ani kava huka agae aveʼmo aika atafaiyo, huʼa huʼnagetapa ago afiʼnae. Mani gemo huʼnayaʼmonanafa hemenimo nagaemo lapa paiʼnaeʼmo, Lapakaetegamo hosu kavaʼmo hisagetapaeʼmo afaʼa maiyo. Mago vekamoʼmo lapakalametaleʼmo lapamagisigetapaeʼmo magokayaga lapakalametamo aita afe letapa amigeno lapamagino.

Lamaga lapaulagamoʼmo lapayate aliʼnisigetapa hosu kavaʼmo nehisayana alita katita ataleyo. Lapakufafatiʼmo magoke yatapimo alita ataletetapa ata kopiʼmo oʼvisayana kanale hugiyaʼmonanafa hosu kavaʼmo nehisageno muki lapakufaʼaʼeʼmo alino ata kopiʼmo yaga auno lapatalesigenoʼaeʼmo hosugiye. Lamaga lapayaʼmoʼmo lapayate aliʼnisigetapa hosu kavaʼmo nehisayana heta hatagauta ataleyo. Lapakufafatiʼmo magoke yatapimo alita ataletetapa ata kopiʼmo oʼvisayana kanale hugiyaʼmonanafa hosu kavaʼmo nehisageno muki lapakufaʼaʼeʼmo alino ata kopiʼmo yaga auno lapatalesigenoʼaeʼmo hosugiye.