Popular Bible Verses from Matiyu 4

Share

Yesuʼa geʼaleʼmo aeno atagaina huno ha painoʼaeʼmo, Goti mukufiʼmo avoʼmo kae maleʼniya gemoʼmo hunoʼaeʼmo, vayaʼmogimo peleti mayaʼageʼmo neʼnisayana alagepa huʼa oʼmaigayaʼmonanafa Gotiʼa avayafatiʼmo muki huʼniya geʼamo afiteʼapaeʼmo alagepa huʼa maigae, huno ha paiʼniye.

Yesuʼa hunoʼaeʼmo, Sataniyo, huno, ataleka kaune ho. Mukufiʼmo avoʼmo kae maleʼniya gemoʼmo hunoʼaeʼmo, Ala kava netapimo Gotitapimofekeʼmo mono hutetapa agaekeʼmo akame hiyo, huno avoʼmo kae maleʼniye, huno ha paiʼnigeno

Ha paiʼniyaʼmonanafa Yesuʼa, magoʼe huno mukufiʼmo avoʼmo kae maleʼniya gemoʼmo hunoʼaeʼmo, Ala kava neʼmo Gotitapimofeʼmo amalageka osiyo, huno avoʼmo kae maleʼniye, huno ha paiʼniye.

Yoniʼa Yesuʼmo aniʼmo faleno atetegenoʼaeʼmo Goti aote Aunemeʼamoʼmo Yesuʼmo avalelinuno Nevoʼa amalageka hisiyafeʼmo kaʼme kotegamo ateʼniye. Agaemo fotiʼa felugaʼe haniʼilagaʼeʼmo neʼyaʼmo oʼneno maiʼnigeno aga teʼnigeno maiʼniye.

Yesuʼa hunoʼaeʼmo, Noyamemo neʼaliʼa kava hutana vayaʼmo apavalelitana nagaetegamo esaʼafeʼmo aliʼna lanaya malegauvanagi etana nakame hiʼao, huno hana paiʼniye. Malage huʼana umeniʼanimo ataleʼeʼana akame huʼnaʼae.

Yesuʼa ani haopalegamo uno aepa faino aeno hakalo huno hapa painoʼaeʼmo, Gotiʼa vayaʼaiteʼmo yagaino apatesiya afinaʼmo ago hogo huʼniyanagi lapaipamo alita afe leyo, huno hapa paino maiʼniye.