Popular Bible Verses from Matiyu 12

Share

Lapa nepauve, huno, agoti huno apatesiya afinaʼmo Gotiʼa muki gemo fikumo nehaya gelefeʼmo apakenoka huno apafi gegaiye. Gotiʼa getapifikeʼmo alino fako hutenoʼaekeʼmo mago vayaʼaifeʼmo, fatago vayaʼmo maiʼnae, huno hapa paige mago vayaʼaifeʼmo hunoʼaeʼmo, hosu vayaʼmo maiʼnae, huno hapa paige hugiye, huno hapa paiʼniye.

Nagaloʼyave afamo anaga vayaʼmogitapae, huʼna, hosu vayaʼmo maiʼnayaʼmofeʼmo haiya kava huta alagepa gemo afaʼa hugae. Vayaʼai apaipafiʼmo na agufa yaʼmo havaiteʼnifi ani kava huno aino vali lamino asagauno neʼaigeʼapaeʼmo gemo nehae.

Alagepa vekamoʼmo kesiʼafiʼmo alagepa yaʼageʼmo ageno maleʼniya yapatiʼmo alagepa yaʼageʼmo alino afole neʼaiye. Ani kava huno hosu vekamoʼmo kesiʼafiʼmo hosu yaʼageʼmo ageno maleʼniya yapatiʼmo hosu yaʼageʼmo alino afole neʼaiye.

Ani kavatefeʼmo mani gemo lapa nepauve, huno, Gotiʼa muki alu hosu kava alu hosu kavaʼe huʼa faipa huʼa neʼapataya geʼeʼmo afaʼa alino atalegaiyaʼmonanafa Goti Aunemeʼaeʼmo huʼa faipa huʼa atesaya hosu geʼapimo alagi alino oʼatalegaiye.

Alagepa alagamo neʼae, hutapa lapakesamo afiʼnisayana alagepa yosamo haneʼniye, huta lapakesamo afiyo. Hosu alagamo neʼae, hutapa lapakesamo afiʼnisayana hosu yosamo haneʼniye, huta lapakesamo afiyo. Yosa alagaʼamo ageteʼapaekeʼmo na agufa yosamo haneʼnifi huʼa neʼagayaʼmofeʼmae.