Popular Bible Verses from Matiyu 11

Share

Muki vayaʼmo alagaʼmo lapaege kana yaʼmo alige huta neʼmaiya vayaʼmo nagaetegamo egeʼnao maitapa haga lesaya yaʼmo lapamiguve.

Nagaemo yuna naipa vekamo maiʼneʼna yagu yaga kavaʼmo nehuvaʼmofeʼmo aliʼyaʼnimo alitetapa aliʼna lapaya malesuva gemo afige afige hutapa maiyo, lapaipamoʼmo kanale hisigeno lapakupi mafaʼnemo maino haga legaiye.

Hiyo, huʼna lapa paisuva gemo lokiya gemo ohaneʼniyaʼmofeʼmo aliʼna kofiʼna lapatesuva kana yaʼmoʼa kanamo olapaugiye.

Afoʼnimoʼmo aliʼyaʼamo alisuvafeʼmo muki yaʼamo namiʼniye. Muki vayaʼmogimo mafaʼneʼamo nageʼa alagepa osuʼnayaʼmonanafa Afoʼnimokeʼmo nageno alagepa huʼniye. Muki vayaʼmogimo afoʼnimoʼmo ageʼa alagepa osuʼnayaʼmonanafa nagaemo ageʼna alagepa huʼneʼna nahauʼnigeʼna ageʼneʼna aliʼna apave liʼnova vayaʼmogiʼeʼmo ageʼa alagepa huʼa agege huʼnone.

Yesuʼa hapa painoʼaeʼmo, Atagi netuta Yonifeʼmo muki afiʼnaya geʼe aliʼyaʼmo neʼalugeta nageʼnaya kavaʼniʼefeʼmo nava gemo hutapa ha paiyo. Apaulagamo ali huʼniya vayaʼmo ageʼa ayakege apaiyamo hosuʼniya vayaʼmo alagepa huʼa uʼeʼa huge lepolosi kaitaʼmo hapauʼniya vayaʼmo alagepa apakufamo hanege apakesamo akaniʼniya vayaʼmogimo gemo alagepa huʼa afige faliʼnaya vayaʼmo he tige kagemi yaʼapimo ohaneʼniya vayaʼaifeʼmo alagepa faigoko gemo aeʼna hakalo huʼna hapa nepaugeʼa afige nehae, hutapa uta ha paiyo.

Lapakaemo gemo afisaya lapakesamo haneʼnisiyaʼmoʼmo afiyo.