Popular Bible Verses from Mako 7

Share

Pantu mukati ka mitima ya bantu, emufuma amatontonkanyo yabipa, ubulalelale, ubupupu, imisoka, ulubembu, ulunkumbwa lwa fyuma, ubunkalwe, ubucenjeshi, bucilende, umufimbila, umusaalula, icilumba no buwelewele. Ifibi fyonse ifi efifuma mu muntu, kabili efikowesha umuntu.”

Takwaba cintu nangu cimo icifuma kunse, icingengila mu nda ya muntu no kumukowesha. Kano ififuma mu mutima wa muntu efikowesha umuntu.”

Nao abasuka ati, “Cine cine Esaya alilungike ilyo aseseme pali imwe mwe mfundabuteshi ngomo calembelwa ukuti, “‘Aba bantu bancindikafye pa kanwa, lelo imitima yabo yalitaluka nganshi kuli ine.

Baicushafye pakumpepa, na mafunde bafunda, mafunde ya bantufye!’

“Imwe mwalisuula amafunde yakwa Lesa, mwalemenenafye ku fishilano fya bantu.”