Popular Bible Verses from Mako 8

Share

Pantu uyo onse uufwaya ukupususha umweo wakwe, akaulofya. Lelo uyo onse uulofya umweo wakwe pa mulandu wa ine na pa mulandu wa Mbila Nsuma, ena akaupususha.

Bushe umuntu kuti amwenamo nshi, nga cakuti anonka ifyuma fyonse ifya pano calo elyo alufishapo umweo wakwe?

Elyo Yesu aita ibumba lya bantu pamo na basambi bakwe, alabeba ati, “Umuntu nga alefwaya ukulankonka, aleikaanya umwine, alesenda umusalaba wakwe, elyo alenkonka.

Nga cintu nshi umuntu engapeela icingalinga ukukabusha no mweo wakwe? Pantu onse uwakwatila ine nsoni na mashiwi yandi, muli ino nkulo ibi kabili iyatalama, Umwana wa muntu nao akamukwatila insoni ilyo akesa no bucindami bwakwa Wishi pamo na bamalaika bamushilo.”

Elyo abepusha ati, “Nga imwe mutila nine ani?” Petelo amwasuka ati, “Niwe Kristu.”