Popular Bible Verses from San Lucas 9

Share

Maimua thumaam khʉʉnag eerpa eerpanaa, —Chadcha pãrau mʉ iek pãach thãraucha ʉkha nʉm khai, magan mua nem waupi jaau chirʉm appaita waubat ajim anʉm, “Mʉchdeuta khap chirʉm mʉchdeu nem wauju” a iekhaba. Mʉ gaaimua chikhamnau pãach dau aphʉʉ thõoju khĩirjuwia khãijã magʉm igba, waragta ʉkhanaat.

Ar chi mʉg jẽb gaai mʉ gaaimua bʉ̃ʉrjã phithurg aumapha wenʉrrʉm khʉʉn chan meem edjã ʉ̃gthar oberbamgui ajim anʉm. Magarrau ar chi mua nem jaau chirʉm waum khõchgauta amach nemjã khĩirjuba sĩi warag mʉ gaaimuata dau aphʉʉ anʉm khʉʉnan chadau ʉ̃gtharcha oberjugui ajim anʉm.

Magbaa Jesuu magjim anʉm: —Chi mʉ dʉi nʉrrʉm woun chan ag na ichdeu parhooba nem waaujerrjã agtha khĩirju nʉrraju aai khaba sim. Irua magju khĩirju chirʉm chan, pod Ẽwandam athee nem ajapha waubamgui ajim anʉm.

Pãrau oowai, ¿khan ajaug sĩ ajim anʉm, woun ãbmua mʉg durr thum ichdeupai jʉ̃a wai sĩsim, mamʉ mag sim meebaadee khĩmie durr petam; irua ich durr thum ich dʉi arrju aai sĩ? Pod arrbamgui ajim anʉm.

Ãb khãijã mʉ gaaimua wa mʉ iek jaauju khãijã õor dakhĩir chigaa amʉn, mag mʉch chi Emkhooi Iewaajã thumaam khʉʉn Porkhanaa mʉch Aai dʉi ʉ̃gthar i chognaan thʉnʉm khʉʉnpa mʉg durr chachaan beem edjã muajã ĩchab ich khĩircha eerpanaa chigaa warag, “Mua, bʉ̃ʉrjã pʉ khaugba chitʉm” ajugui ajim

Magbaawai jũrr ich Jesuu irig, —Pʉchdeu mag mʉ dʉi chitam khõsi chirʉm khai, marrau magan ajim anʉm. Mamʉ pʉrʉg jaaukhimgui ajim anʉm: mʉ khãyau pabʉ eem nemchaain amach khãaijem jẽbdi paraam; nem ichpanjã kheeupaawai amach khãaijem khãidu wai sĩsidʉm. Mamʉ mʉch chi Emkhooi Iewaa chan mʉg chitʉm aig kheubaadeewai khãyaag ajapha werba chiraju didamjã chukhu chitʉmgui ajim anʉm. Pʉjã mʉjo magta chitam khõsi chirʉm khai, marrau magan ajim anʉm.

—Mʉg chaai agtha ich juau paba aawai serbiiba khitʉmjo õor thʉnʉm thum mua khõsi chitʉm. Pãrau mʉ denjo mʉg khitheem ãb khãijã jãsenkhawia pãach di aig aumʉn, magan pãrau mʉchchata mag khĩir jãsenkhabarmjo abarmgui ajim anʉm. Mag pãrau ʉdʉraa pãach aig mʉ baarpi nʉm aiguin magan pãrau mʉ Aaijã khõsi nʉm anʉm, ichdeuta mʉ pʉitarr aawai. Mua pãrag jaaukhimgui ajim anʉm: Ar amachdeupai khĩirjuawai thumaam khʉʉn khãyaujã chaai bʉ̃rʉʉmdamjo serbiiba nʉm a khĩirju nʉm khʉʉnta warm khʉʉn khãyaujã ʉ̃rʉʉcha nʉmgui ajim anʉm chadcha, Ẽwandam dau na.