Popular Bible Verses from San Lucas 8

Share

Mamʉ jũrr chi nemjĩir jẽb ajaug ee burrtarr, ar õrau Ẽwandam iek amach thãraucha ʉkhaa chaar ʉkhaajem khʉʉnta jaau simgui ajim anʉm. Magʉm khʉʉnau sĩi par jʉ̃gʉupai ũrba aajem. Amachdeu ʉkha nʉm gaaimua dau aug wauju akhiinjã, majã am gaai mas khaba simgui ajim anʉm, Ẽwandam athee nem ajapha waum khõchgau.

Maagwai nemjĩir dau sirphʉg dʉi oberwia õt khaba bãautarr, jũrr ar maach khapeen ihãsisisdom khʉʉnta jaau simgui ajim anʉm. Amau Ẽwandam iek ũrm khõsi ũr nʉm, mamʉ deeu amach khĩirjug eepai, “Jãgʉm gaaimua pod mʉ phatkhon auba khãijã chitaju,” wa magbam khai, “Mua chadcha ʉkhakhiinjã pod parhooba mʉchdeu ampierr abaju” a khĩirjuajem. Mag gaaimua mag nemjĩirdam aphʉʉ bãauwia pod cheba arrjo ĩchab Ẽwandam athee nem ajapha wawaagjã podba, sĩi serbiibata nʉmgui ajim anʉm.

Maagwai mokpor jojoodog ee nemjĩir dau burrmarr, ar maach khapeenau Ẽwandam iek ũurwai onee ʉkhaajem khʉʉnaugui ajim anʉm. Mamʉ thãraucha ʉkha nʉm khaba aawai, nemjĩir dau pod khaar khaba aajemjo khũchpai ʉkhawia iseg pʉajem. Maagwai ʉkha nʉm anʉmta mag iek ajapham gaaimua meperau khaigba aicheewai deeu Ẽwandam iekta isegwia warr amach naajerrjo wenʉrram khõsi nʉmgui ajim anʉm.

Maimua jũrr ichdeu amag, —Keena ajim anʉm, ¿mʉg pãar mʉ dʉi khodjorromjã nem okhota nʉ? Jãgan pãrau chan mʉ pãach dʉi chitʉmjã khaugbata naab ajim anʉm, jãgcha jãphierraag. Mag amach dakhĩir phũ dʉi phũaspa warre thumba atham oobaawai jãphierrnaa dauderraa nʉmua amach appai okharii, —Keena, ¿khanim wounta mʉg phũugjã iekhanaa phũasagjã iekhaawai i ipierraa aajẽma? ajierram anʉm.

Maagwai chi nemjĩir dau khʉdjã ee burrmarr, õor Ẽwandam iek sĩi par jʉ̃gʉupai ũurjem khʉʉnaugui ajim anʉm. Amau Ẽwandam iek jaau nʉm ũr nʉm, mamʉ meperau beewia khũgurbaicheewai ũrba arrjo thãar ee Ẽwandam iek chukhu thʉba nʉm, khʉdjã eem nemjĩir dau nemchaainau khopʉitarrjo.

Ĩswe chan õrau agtha ajap khaugba nʉm, jãga Ẽwandamau õor peerdʉ auju. Mamʉ mʉg atagta amach daúacha õt bʉʉg nem waibeenaa oo nʉmjo amau khap aju. Chi mag khaugba nʉm khʉʉnan agtha khĩchag ee nem oo nʉmjota nʉm, bʉ̃ʉrjã khaugba.

Mamʉ chi ʉʉirau ũurwai ichdeu meraa pʉrchetarrta Jesuu mag ijẽb aadeewai, khĩir naau nʉm iekhau, bʉ duui beewia i bʉkhʉrr phõbkhachewia, meerba õor thumaam khʉʉn dakhĩir jaaubaadejim anaabá, khan atheeta irua mag i gaai pʉrchejĩ, maimua jãga mag pʉrbarm bʉrre i monaau ʉisijĩ. Magbaawai Jesuu irig, —Oob chigaa am ajim anʉm. Mua pʉch monaauju khaphʉ mʉ gaai pʉrchetarr gaaimua ʉu pʉ monaauwia peerdʉ ʉisim. Pʉch diig maju aai ʉmgui ajim anʉm irig.

Amachdeu mag oophobaadeewai i khãi jorrom aar mawia, —¡Maestro, phiidʉbaad! Ya maachin khoogpamgui ajierram anʉm. Magbaawai phiidʉwia, phũ theeg thʉnʉmʉg meeurrau sĩunaa, ĩchab chi phũasagjã meeurrau sĩubaawai, tag phũjã weba phũasdaujã baupa khaba, warre sĩi dojã meuu joisijim anaabá.