Popular Bible Verses from San Lucas 7

Share

Ĩs mʉgbarm pʉde khĩirjubarí ajim anʉm, chi Simonag. Mʉg ʉʉirau mʉ dʉi mʉgbaichemʉn ich pekau pooma sĩerr thum chugpaabapʉim jũrrta “Ʉu ajim” a sim khabahab. Chi pekaujã bʉ̃rʉʉm khaba arr aawai ichdeu agjo dʉrrcha mʉ kha khõsi ʉm a sim khabahab ajim anʉm, jãg sim aig. Ich jãgta sĩebahab cha mua pʉrʉg nem ĩgkha chirʉmjã. Ãbmua khãijã ichig debpaar paar nʉm khʉʉnag tag phagpiba perdonaamʉn, chi debpaar poomacha sĩerr garmua ʉ̃rʉʉcha i daupii aju. Maagwai bʉ̃rʉʉpai paraa sĩerrau i daupii ajup mamʉ, warm denjocha khabaju. Magua ich perdonaatarrpierrpai sĩi irig “Ʉu ajim” ajugui ajim anʉm. Maimua jũrr chi ʉʉiragta oonaa, —Pʉ khaibag thum chugpaa sĩsimgui ajim anʉm.

Mamʉ amau mag khĩirju nʉmjã igba warag chi ʉʉiragta, —Oob khĩirjum. Ʉu pʉ peerdʉ ʉisimgui ajim anʉm, pʉchdeu ʉkhatarr gaaimua. Pʉch diig maju aai ʉmgui ajim anʉm.

Mag beewia i eugarmua i bʉkhʉrr phõbkhachewia bĩemamua i bʉ ʉ̃r ich daucho theutkhamam ich porbʉʉupai jãrpʉimajim anʉm. Magnaa i bʉ ʉ̃ʉ au, ʉ̃ʉ aunaa, jʉ̃gdeeu choomajim anaabá, i bʉ gaai.

Ich mag chirʉm khap, ichcha pʉ aig beeba abarm aajem, pod pʉ dʉi khĩircha iyʉʉ aju khaba aawai. Mamʉ pua khõs akhiin, ich maupaimua ich chog monaaupi naajim. I iek pʉch iiu aawai chadcha monaauju aajem. I iek iruajã ich gaaita khaphʉ chitʉm aajem, ichjã ĩchab ich pornaan jua eegpai chitaawai. Mag chirab mamʉ, iruajã ĩchab soldaaun ich jua eegar phe wai chirʉm aajem. Makhʉʉnag ãbamʉg khãijã “Pet” aawai maajem aajem, ipierraa. Maimua deeumʉgjã “Pidú” aawai beejem aajem. Maimua ich chogagjã “Mʉgta abá” abaawai i ipierraa aajem aajem. Magua, maupaimua pua i chog monaaupi jaaumʉn, chadcha monaauju irua khaphʉ chirʉm aajem a jaauchejierram aajem, Jesús aig. Capitán judío khaba simuata mag iek jaaupʉitarr warm khʉʉnau ichig jaaubaichem ũrbaawai Jesús jʉ̃gderraa aademua ich ẽudee õor pos wenʉrrarr khʉʉnagta, —Keena, pãade oobat. Mʉg maach israelnaan ee mʉg woun denjo ʉkha nʉm chan agtha mua ooba chitʉmgui ajim anʉm.

Magbaawai, —Pãrag oopikhimgui awi, am dakhĩir Jesuu khamor machag sĩsidʉm pom monaaunaa ben khaigbam wai sĩsid arr khʉʉnjã monaaupʉimajim anaabá. Mag nʉm dʉi ĩchab õor dau khaugba khithee arr khʉʉnjã dau monaaumajim aajem. Maimuan chadau magjim anʉm, chi Juanau chogtarr khʉʉnag: —Ereubaadewia Juan aar jaaubaimat, pãach jʉ̃gʉucha ũrwia pãach daúacha mʉg oobarm. Irig, “Dau khaugba khekhed arr khʉʉn dau ajapha thʉnʉm abat; bʉ wedʉ wedʉ sĩsid arr khʉʉnjã ya ajapha nʉrrjeem; kach khĩsu arr khʉʉnaujã ajapha ũr sĩsidʉm; chi meem arr khʉʉnjã deeu iiu nʉrrjeem; maimua aphʉʉm khʉʉnagjã ĩchab õor peerdʉajem iek jaau chirʉm” a jaaubaimat ajim anʉm.