Popular Bible Verses from THUPILTE 12

Share

Mihing lunggimna in kingaisietna atun a, hinanleh thuhoi in akipah sah hi.

Koipou thuhilna ngaina in theina angaina hi, hinanleh phawhhilna zada pouma mi mo ahi.

Namsau a sut banga thugen mi a um a, hinanleh mipil lei khu damna ahi.

Mimote agamtatna pouma uah dih akisa ua, hinanleh kithuhilna ngaikhemi khu mipil ahi.

Mi mo in alungthahna akilangsah pai a, hinanleh mi lunggel siem mi in, kizumsuona athusim sih hi.

Zi hoi khu apasal a dingin Manglukhu ahi a, hinanleh zumhuoina bawlnu khu, apasal a dingin gu leh taang natna ahi.

Kam zuouthei khu Mangpa a dingin kidahhuoi ahi a; dihtah a bawlte pen akipahpi hi.

Midihtatin pilvangtahin alawm ding atel a, migiloute gamtatin amauh apielmang sah hi.

Thutah genna kamte kumtawn in a umden dinga, hinanleh zuou genna lei in, hun tomnou khat adai giap hi.