Popular Bible Verses from THUPILTE 11

Share

Sil phal mi hinna suhhausat ahi dinga, midangte bawlhoi mi khu, bawlhoi sem in a um ding hi.

Kiphal taha hawmzah mi in anei tam deudeu a, mi chippongte pen a zawng sem sem hi.

Kisahtheina a um chiengin zum na zong, a um a hinanleh kingaingiemte, kungah pilna a um hi.

Kithuhilna umlouna ah mi mipite apua zel a, thuhilthei mi tamna ah bitna aum hi.

Midihtatte ga khu hinna singkung ahia, tualeh koipou hagau man khu mipil ahi.

Mi kamtam in thuguh ki imte agenkhie a, mi ginum in thuguh a im hi.

Khotuona nei mite ama hinna mama adingin silhoi abawl a, hinanleh mitatsete pen, ama tahsa tung ngei ah lunggimna atungsah hi.

Ama hausatna muong mi khu apua dinga, hinanleh midihtat khu sing bawhpha bangin alun ding hi.

Thangpai niin hausatna aphatuom sih a, dihtatna in shina akipat mi hunkhe zel hi.

Midihte adihna un amauh apui ding a, mi gin umloute pen azuoutatna un, amauh sietna atun ding hi.

Ngaituo siemna neilou numei melhoi khu, vohpi na kua a sana gui kibasah bang ahi.

Buhna dihlou Mangpa adingin, kidahhuoi ahi a, hinanleh tena dih khu akipahna ahi.