Popular Bible Verses from MATHIU 7

Share

“Ngen un, pieh in na um ding uh, sui un na mu ding uh, kiu un honpiehin na um ding uhi.

Aziehpen a ngen pouma piehin a um ua, Koipou a sui in amu ua, koipou akiu pouma hon pieh in a um ding uhi.

“Tuaziehin mi koipou tam ka thugente za a, zui pouma mipil suongpi tunga inn lam mi toh ka gente ding hi.

Tuaziehin sil zousie miten na tung ua abawl dinga na dei pouma uh, nouten zong mite tungah bawl un, tua khu dan thu leh guolneite thu ahi.

Hinna zotna kot khu akochih a, alampi zong ahamsa a, amute zong atawm uhi.

“Kot kochih ah lut un, manthaina lampi kot khu alien a, alampi zong agol hi, tualeh khuna lutte khu tam zong atam uhi.

Tuachi ahileh, nou migilouin bawn na tate uh sil hoi piehna dan na thei uleh, na Pa uh van a umin akunga ngente sil hoi petham lou ding ahiei mah?

“Midang tung thu khen sih un, na tungthu uh khen a a umlouna ding in. Aziehpen na khenpieh mabang un noute zong ahing kikhenpieh ding hi, tualeh na tena mama un ahing kitepieh ding hi.

Tualeh michin tam ka thugente za a, zuilou pouma khu, mimo senel tunga innlam mi toh ka gente ding hi.”

Bangdinga nangma mit a singtun um ngaituo loua na unaupa mit a nin neng neunou mu thei na hiei? Ahisihleh bangchidan a na unau kunga, na mit a ninneng neunou khu hing lahdoh pieh vang na chi thei ding ahiei? En in, nangma mit ah singtun a um hi.

“Guolnei dihloute lah ah pilvang un, amaute khu belam vun sil in na kung uah ahing pei leng ua, asunglam uah lah ngia gongsan ngen ahi uhi. Amaute aga uah na thei pai ding uhi, mi’n khaulingnei gui ah grep ga alou ngai uh amah? Ahisihleh theimiling kung ah theipi alou ngai uh amah?

Tuachimabangin sing hoi pouma aga ahoi a, hinanleh sing siein ga hoilou asuong hi.

Sing hoi aga ase thei sih a, sing sie zong aga ahoi thei sih hi.

Sing chin ga hoilou pouma aphua ua, mei ah apai uhi.