Popular Bible Verses from MATHIU 6

Share

Hinanleh Pasian Gam leh adihtatna sui masa un, tuachi’n tam silte zousie piehbe na hi ding uhi.

“Tuaziehin zing chienga dingin lunggim sih un, aziehpen zingin ama a ding silte akilunggimpi na ding hi. Ni khat gimthuoh khu ni khat a dingin ahun ahi.

“Tuaziehin ka hing hil ahi, Bang ahiei ka neh ding, bang ahiei ka dawn ding, ahisihleh na tahsa ua dinga bang ahiei ka sil a ka ten ding chi’n na tahsa ua dingin lunghimaw sih un, neh ding sangin hinna athupizaw sih amah? Silleten sangin tahsa a thupi zaw sih amah?

Hinanleh noute pen na thunget chieng un na pindan sung gil uah lut unlen, na kot uh kha unlen mun simtham a um na Pa uh kungah thungen un, tuachi’n aguh a hing mu na Pa un langtangtah in nou ahing pe ding hi.

Tuaziehin tambangin thum un: Ka Pa uh van a um, Namin kizatat hen, Na gam hing tung hen, na deilam van a akibawl bangin, lei ah zong kibawl hen.

Tuni’n nichin a ka neh ding uh ann hing pie in.

Ka leibate uh ka ngaidam bang un, ka batte uh hing ngaidam in.

Solna ah hing puilut sinlen, gilou lah ah hing hunkhe zawin, gamte, silbawltheinate, leh thupinate kumtawn a Nanga ahizieh in, Amen! chiin.

Mite atatkhelnate uh na ngaidam u’leh, na Pa uh van a um in zong noute ahing ngaidam ding hi.

Tungleeng vate en un, bu atu sih ua, at zong a at sih uh, tualeh bu inn ah zong asunglut sih uh, ahivangin na Pa uh van a umin amauh ava hi; Noute amauh sanga nahpitah a thupizaw hilou na hi uoi mah?

“Lei a nget leh sam eeh in anehsiet na ah leh gutaten aphevang ua aguh theina uah gou kikhol sih un. Hinanleh van ah, nget leh sam eeh in anehsiet louna leh, gutaten aphevang ua, aguh louna uah gou kikholzaw un. Aziehpen na gou uh umna mun ah, na lungtang u’zong a um ding hi.

“Koiman houtu ni nna asemkop thei sih, aziehpen khat amuda ding a, khat pen ait dinga, ahisihleh khat humin, khatpen asimmaw kha ding hi. Pasian leh sum nna nasemkop thei sih ding uhi.

Tuachi’n gamlah loupa tuni banga hing a, azingni chieng a thuhkhuh sung a pailut ding bawn Pasian in ahichi zep leh Aw nou ginna tawmte Aman noute tuasangin nihten puonsil in ahing zemzaw tham sih ding amah?

Hinanleh nouten mi kunga silpieh na pieh chiengun, na khut zietlam un abawl, na khut veilam un theisih heh. Tuachi’n na sil pieh khu aguh ahi thei ding hi; tualeh na Pa uh aguh a hing mu pa’n langtang tah in ahing din ding hi.

“Na sil hoi bawlte uh mihingte mitmu a amasang ua bawllou dingin pilvang un, tuachilouin pen na Pa uh van a um kungah nuomman muding na nei sih ding uhi.

“Tuachiengleh ann na ngawl chiengun milepchiete bangin ngui mel posih un, amaun mite mitmu a anngawl uh akilat theina ding un, amaisuo uh atuom sah leng uhi. Chitahtahin ka hing hil ahi, amaun anuomman uh amuta uhi. Hinanleh nouten ann na ngawl chiengun na lutang uh sathau nu unlen, na mai uh phiet un. Tuachi’n mun simthama um na Pa uh muna loungal, mihingte mitmu a, anngawl na bahlouna ding un, tualeh na Pa uh aguh a hing mupa’n langtang tahin kipahman ahing pe ding hi.