Popular Bible Verses from MARK 13

Share

Aser kü nüng atema nisung ajaki nenok sempatsü; saka shibai tatem tashi aremdir pa kümzüktsü.

Nenoki kümdanga liang, saksalemang aser sarasademang; kechiaser mapangji kodangar nenoki memetet.

Kodang parnoki nenok o bendangdaki anir arudir, nenoki kechi jembitsü mapang matongdang kecha teratama, saka iba mapang nung nenok nem kechisa agütsüdir aji jembiang, kechiyong tejembirtemji nenok masü, saka Tanela Temeshi asütsü.

Anüng aser ali süitemtsü, saka kü o mesüitemtsü.

“Saka iba anogo mesüra mapang indang, Tebu alema kotak tenyartemia, mesüra, techiria mesüra shingaia memetet.

Aser kodang nenoki raraba indang aser rara adoktsüba osang angashidir; nenok taoksama; item ya ataloktsüla, saka tatem ano masü.

Anungji saksalemang, kechiaser ki kiburji nikongtsütsü asü, ayatrem nung asü, an kongbang nung asü, anepdang asü, kodang arutsüar nenoki memetet. Aji mesüra pa aoksa arutsü aser pai nenok mejanga angutsü. Aser ni nenok dang kechi ashir, aji nenok ajak dang ashir saksalema liang.”

Kechiyong kini kin anema aser yimli-i yimli anema aramesotsü, tesem tesem nung menoknok anoktsü aser ayawara alitsü. Item ya tekangshitsü tetenzüker asütsü.

Aser Osangtajungji kin ajak dang tamasa sangoktsütsüla.

Kechiaser aikati ‘Ni paji lir’ ta kü tenüng nung jembia arutsü aser parnoki aika mashileni anitsü.

Saka nenoki pei sasa kümdangangma; kechiyong parnoki nenok mungdang nem bendanga agütsütsü, sinagog nung nenok dak azüktsü aser yimsüsür tulur o chubatem madak ni asoshi nenoki parnok tsüngdang kuli asütsü.

Kechiyong tiyazü Khristatem aser tiyazü ainkartem adoktsü aser takoktsü süra, teshimtetba purtem mashileni anitsü asoshi temaitsü aser tesüngmangtsü sayutsü.

“Saka item anogo nungji, iba timtem tekangshi süir külen, anü mangadoktsü aser itai pei tesangwa magütsütsü. Aser anüng nungi petinutem tsüktsü aser anüng nung aliba aintem anokshitsü.