Popular Bible Verses from MARK 12

Share

Yisui langzü “Mezüngbuba ya lir, ‘Oh Israel, angang; Kibuba asen Tsüngrem, Kibubaji ka dang; aser Kibuba ne Tsüngremji ne mulungjang ajonga agi, aser ne taküm ajonga agi, aser ne mulungsentsü ajonga agi, aser ne tashi ajonga agi nai pa meimang.’ Aser tanabubaji ya lir, ‘Nai ne kiyonger dang pei ama meimtsüla.’ Item dangi tuluba tanga ozüng mali.”

Pai pei nütsüngtem pa dangi aja, aser parnok dang ashi, “Atangji ni nenok dang ashir, sen enoktsür ajak dang iba sensaker amitsüri timba tenla senbong nung sen enoktsüogo; kechiyong parnok ajaki pei jenti akaba nungi agütsü, saka lai pei maka-maitba nungi la taküm alitsü akaba ajonga enoktsü.”

Aser pai tenla sen rizüngdak jakdang amen, aser nisungtemi koda sen rizüngdak sen enoktsür repranga liasü, aser takar aikati sen jenti enoktsü. Idangji amitsür sensaker ka aru aser lai poisa ana enoktsü.

aser temulung ajonga agi, aser tangatetba ajonga agi, aser tashi ajonga agi pa meimtsü aser pei kiyonger dang pei ama meimtsübaji rangben tarongba aser tenlabatem ajak dang taoba lir.”

Yisui parnok dang ashi, “Ajangla kechi Kaisar meyong aji Kaisar nem agüjang, aser kechi Tsüngrem meyong aji Tsüngrem nem agüjang.” Aser parnoki pa dang kanga süngmangadok.