UKUSOKA 2
2
1Pa kabalilo aka aliko yumo umundu ugwa nnyumba ya Levi, yo alinkwakwega unkikulu ugwa kikolo kya Levi. 2#Imbo 7.20; Hib 11.23Umwene unkikulu yula alinkuya ni kifuba alinkupapa umwana undumyana. Lelo bo unna agile ukuti umwana yula mmogi, 3alinkumfisa, popapo alinkwenda nukutendekesya ilibokosi lya ndete, mo alinkumbika umwanake, alinkulimata nu lutindya nu mpulya, alinkwakulibika mu ndete mumbali ndusoko lula. 4Umwene ilumbu gwa mwanike yo alinkwima pabutalipo ukuti aketege isi sikuya pakungwila umwanike yula.
5Popapo unakamba umwana gwa Farao undindwana alinkwisa ku lusoko pakoga palikimo na babombi bake abalindwana. Ababombi bake abalindwana bala bo bikwenda mu mbali ndusoko, nakamba yula alinkulibona ilibokosi, alinkuntuma undindwana yumo alinkuti, “Buka ukege ilibokosi lila undwalile kuno.” 6Lelo bo ikwigula ilibokosi lila alinkwaga akana akalumyana kalambalele mumo kikulila. Ikisa kilinkumwaga, alinkuyoba alinkuti, “Uyu yo yumo gwa mbana ba baHiburi.” 7Ulilumbu gwa mwanike alinkusegelela kwa nakamba yula alinkundalusya alinkuti, “Bule, pamo ngakulondele unkikulu yumo unHiburi ukuti yo ise akuswililege umwana uyu?” 8Unakamba yula alinkwamula, alinkuti, “Buka kandonde.” Bunobuno ulilumbu gwa kanike alinkubuka alinkwakumwega unna gwa kanike kala. 9Unakamba yula alinkumbula unkikulu, alinkuti, “Ega akana aka ukanswililege, gwisakuya numfwalo.” Bunobuno unkikulu alinkukega akana alinkwakukaswila. 10#Imbo 7.21Lelo bo umwanike akulile unna alinkuntwala kwa nakamba yula umwana gwa Farao, Umwene nakamba alinkumwambilila alinkwipela ukuya mwanake, alinkumpa ingamu ya Mose, alinkuyoba alinkuti, “Papo nalimfyulile mmisi.”
Mose ikubopela ku Midiani
11 #
Imbo 7.23-28
#
Hib 11.24
Ilisiku limo, Mose bo akulile, alinkubuka pakwakubaketa abankikolo kyake bo bikukubilwa nimbombo. Popapo alinkwakumwaga yumo umw'Egiputi angwisisye pasi unHiburi ikunkoma uyu ali gwa kikolo kyake. 12Mose alinkukelengania kosakosa, lelo bo atikumbona nayumo umundu alinkwenda nukungoga umw'Egiputi, alinkunsyila munsanga. 13Ulwa kilabo bo apyanileko kangi, alinkubaga abaHiburi babili bikulwa. Alinkundalusya uyu inongwa yake yali mbibi, alinkuti, “Nongwa ya fiki kunkoma unnino?” 14Umwene alinkumwamula alinkuti, “Ywani uyu akupelile ugwe ukuya ndongi atile utulonganiege uswe, nukuti uyege malafyale gwitu uswe? Ngimba kulonda ukungoga nanine bo mumo gwalingogile umw'Egiputi?” Popapo ulutende lulinkumwaga Mose, alinkwinogona alinkuti, “Naloli inongwa isi abandu bosa basimenye.” 15#Imbo 7.29; Hib 11.27Bo Farao asipilike inongwa sisisi, alinkulonda ukungoga Mose, loli Mose alinkumbopa Farao, alinkuyongela nkisu kya Midiani. Alinkwakwitugasya pabupipi nikisiba. 16Pa kabalilo aka umputi gwa nkisu kya Midiani ali na bana abalindwana bahano na babili. Abene abalindwana bala balinkwisa pakunega amisi, nukunegelela amisi mfyakunwelamo fya ng'osi sya gwisabo. 17Abatimi abangi balinkufika papo, balinkulonda ukubakaga abalindwana bala. Loli Mose alinkubapoka alinkubatula pakunwesya ing'osi syabo. 18Lelo bo bafikile ku kaya ugwisabo alinkubalalusya alinkuti, “Nongwa yafiki mwandene ukugomoka umusyugu?” 19Abene balinkuti, “Unhesya yumo umw'Egiputi yo atupokile ku batimi, atutulile pakusinwesya ing'osi.” 20Ugwisabo alinkulalusya alinkuti, “Ali kugu? Nongwa ya fiki mwandekaga kuko? Buka mukamwege, ukuti twise tulye nagwe ifyakulya.” 21Umwene Mose yo alinkwitugala nu mputi yula Yetro. Popapo Yetro alinkumpa Mose umwanake undindwana, Zipora, ukuya nkasi gwake. 22Zipora alinkupapa umwana undumyana, Mose alinkumpa ingamu ya Gereshomu, ko kuti nhesya, papo Mose inogonaga atigi, “Une ndimponi nkisu kya buhesya.” 23Bo ifyinja fikindilepo fyingi, umalafyale gwa nkisu kya Egiputi alinkwenda nukufwa. Popapo abanya Israeli balinkukubilwa nimbombo ingafu iya butumwa, balinkukuta inguto balinkulonda ubutuli, popapo inguto yabo yilinkufika kwa Kyala. 24#Bwa 15.13-14Umwene Kyala alinkupilika inguto yabo, alinkwenda nukukumbuka ulwitikano ulu alitikene na Abrahamu, Isaki na Yakobu. 25Kyala alinkubaketa abanya Israeli, alinkububona ubutolwe bwabo.
Избрани в момента:
UKUSOKA 2: NNBII
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
BAIBULO INONGWA INUNU © Bible Society of Malawi, 2017.