प्रेरित 2
2
पवित्र आत्मा रा उतरणा
1जेबा पिन्तकुस्ता रा धयाडा आउआ, तेबा त्याह सबे एकी जागहा कठे होई। 2एकदम सरगा का बड़ी आंधी संघे ज़ोरे एक शब्द होऊ, होर तेसा आंधी संघे सारअ घर जखे त्याह बेठेदे थी, गुन्जू। 3होर त्याह आगि साही जीभ फुटदी हेरदी लागी होर त्याहरे घरा में इंहदी लागी। 4त्याह सभे पवित्र आत्मा संघे भरी, होर जेडी तरह आत्मा त्याहबे बोलने री सामर्थ्य दीनी, त्याहे होरी-होरी भाषा बोलदे लागे।
5सरगा थन्ही री हर एक जाति में भक्त यहूदी यरूशलेमा में रहंदे, लागे दे थी। 6जेबा यह शब्द शूणू तेबा तखे भीड़ कठे होई होर लोका डरी किबेकी हर एकी बे यही शब्द शुणदअ लागा कि या मेरी भाषा में बोलदे लागेदे। 7त्याह सब हैरान होई करे बोलदे लागे, हेरा यह जोह बोलदे लागेदे केह या गलीली नांई आंदे। 8तेबा किबे हामा में हर एक आपणी जन्म भूमि री भाषा शुणदी लागी दी। 9हामें जोह पारथी होर मेदी, होर एलामी होर मैसोपोटामिया होर यहूदिया होर कप्पदूकिया पुन्तुस होर आसिया, 10होर फ्रुगिया होर पंफुलिया होर मिस्र होर लिबिया देशे जोह कुरेने सेटा साहा या सबी देशा में रहण आले रोमी साहा। 11मतलब यहूदी होर यहूदी रा साथ दीण आले क्रेती होर अरबी भी साहा पर आपणी-आपणी भाषा मेंजे परमेश्वरा रे बड़े-बड़े चिन्हा कामा री चर्चा शुणदा। 12होर त्याह सबे हैरान होई होर डरी करे एकी दूजे बे बोलदे लागे, यह केह लागादा हुंदा? 13पर ठठे करदे लागे, होर बोलू, या नए शराबा रे नशे में चूर साहा।
पतरसा रा भाषण
14तेबा पतरस त्याह ग्यारह संघे खडअ होऊ होर ज़ोरे-ज़ोरे बोलदअ लागअ, हे यहूदी होर सब यरूशलेमा में रहण आल़ो यह जाणा होर कनेट लाई मेरी गला शुणा। 15जेडा तमे समझदे लागदे या लोका नशे में आंहदे, किबेकी मची तअ दोत ही होई। 16पर यह सह गल साहा, जोह योएल भविष्यद्वक्त बोली दी साहा,
17परमेश्वर बोलदा की आखरी धयाडी में एडा हूंणा कि
महा आपणा आत्मा सभी मणशा प्राणी पैंदे फेरणा,
होर याह रे शोहरू होर शोहरी भविष्यवाणी करणी,
होर याह रे जुआना दर्शन करणे होर थारे बजुर्गा सुपने हेरने।
18हांऊ आपणे दास होर दासी पैंदे भी,
त्याह धयाडी आपणी आत्मा उंडेलणी होर भविष्यवाणी करणी।
19होर उझे सरग अदभुत रा काम होर उंहदे धरती पैंदे चिन्ह मतलब लोहू होर आग होर धूंआ रा बादल रिहाऊलअ।
20परमेश्वरा रे महान होर तेजस्बी धयाडे इंहणे कअ पहिले सूरज न्याहरअ होर जोहथ लोहू साही लाल हूंणी।
21होर जोह कोई परमेश्वर रा ना लऊलअ तेऊ उद्धार पाऊणा।
22हे इस्राएलियों याह गला शुणा, यीशु नासरी एक मणश थी, जासका परमेश्वर री तरफा का हूंणे रा सबूत त्याह सामर्थ्य रे कामा का होर चमत्कारा रे काम होर चिन्ह का प्रगट साहा जोह परमेश्वर तमा बीच करी करे रिहाऊ, जासू तमे आपे जाणा। 23तेऊ यीशु बे जोह परमेश्वरा री योजना ठहराऊ होर पहिले ज्ञाना रे साबे पकडबाऊ, तमे अधर्मी रे हाथा का क्रुसा पैंदे चडाऊ होर मुअ 24पर सह परमेश्वरे मृत्यु रे बंधना का छुडाऊ होर जिंउदअ करू; किबेकी सह अनहोना थी, कि सह तेऊरे बशा में रंहदअ। 25किबेकी दाऊद तेऊरे बारे में बोलदा,
हांऊ परमेश्वर सदा आपणे सामने हेरदअ रहू किबेकी सह मेरी दाहिनी तरफ साहा
कि हांऊ बुशाह में कमज़ोर ना होए।
26एसा बजा मेरा मन आनन्दित होऊ;
होर मेरी जीभ मगन होई बल्कि मेरा शरीर भी आशा में बसेरा करना।
27किबेकी ताह मेरे प्राण अधोलोका में नांई छाडने,
होर ना आपणे पबित्र जना सड़ने दीणा।
28तांई महा बे जीबना रा मार्ग खोजू,
ताह महा बे दर्शने सगे खुशी संघे भरनअ।
29हे भाईओ हांऊ कुलपति दाऊदा रे बारे में आपणी मर्जी संघे तमाबे बोली सकदा कि सह मुअ होर गाडू होर तेऊरी कब्र मची तणी हामा सामने साह। 30सह भविष्यद्वक्त थी, सह जाणदा थी, परमेश्वर महा का कसम खाई दी साहा कि तेरे बन्शा मेंज़ा का एक मणश तेरे सिंहासन पैंदे बश्यालूदअ आसा। 31तेऊ हूंणे आली गला बे पहिले हेरिकरे मसीहा रे पुनरुत्थाना रे बारे में भविष्यवाणी करी ना तअ तेऊरे प्राण अधोलोका में छाडी होर ना तेऊरा शारीर सड़ने दीना। 32यह यीशु परमेश्वर जिलाऊदअ, जासके हामे सबे गुआही साहा। 33एढ़ी तरह परमेश्वर रअ दाहिने हाथा रा सभी कह बडअ पद पाऊ, होर पिता कअ सह पवित्र आत्मा प्राप्त करी जासकी प्रतिज्ञा करी दी थी, तेऊ सह उंडेलू जोह तमे शुणा होर हेरा। 34किबेकी दाऊद तो स्वर्गा पैंदे नांई चढू; पर सह आपे बोला,
परमेश्वरे मेरे परमेश्वरा का बोलू,
मेरी दाहिनी तरफा बेश।
35जेबरे तणी हांऊ तेरे दुश्मना री टांगा थंही री चौउकी नांई करलअ।
36एबा इस्राएल रा सारा घराना यह जरुरी जाणा कि परमेश्वर तेऊ यीशु बे जोह तमे क्रुसा पैंदे चडाऊ, परमेश्वर भी ठहराऊ होर मसीह भी। 37तेबा शुणन आले रे मन पिघली होर त्याह पतरस होर बाकी प्रेरितों कअ पुछदे लागे, हे भाईओ हामा केह करना? 38पतरसे त्याहबे बोलू, मन फेरा, होर तमा सभी में हर एक आपणे-आपणे पापा री क्षमा बे यीशु मसीह रे ना कअ बपतिस्मा लआ तेबा तमे पवित्र आत्मा रा दान पाऊंणा। 39किबेकी यह प्रतिज्ञा हामा होर थारी संताना, होर त्याह सबे दूर-दूर लोका बे भी साहा, जूंणा माहरअ परमेश्वर आपु सेटा शदाऊंण। 40तेऊ बहू होरा गला संघे भी गुआही दीनी होर बिनती करी कि आपणे आपा बे बुरी जाति कअ बचाई डाहे। 41तेबा जासू तेऊरअ बचन ग्रहण करू त्याहे आत्मा का बपतिस्मा लऊ होर तेसा धयाडी लगभग चीण हज़ार लोका त्याह में मिली। 42होर त्याह प्रेरितों का शिक्षा पाणे, होर संगति डाहणे होर रोटी चोडने होर प्रार्थना करने में सहभागी होई।
बिश्वासी री संगति
43होर सभी लोका में डरा रा आत्मा आऊआ होर बहू ज्यादा अदभुत काम होर चिन्ह प्रेरितों संघे प्रगट होई। 44होर सभे बुशाह करन आले कठे रंहदा, होर त्याह री सभे चीजा सांझी में थी। 45त्याहए आपणी-आपणी सम्पति होर सामान बेची-बेची जेडी जरूरत हुंदा थी, आपु में बांडा। 46त्याह रोज एकमन होई करे मंदिरे कठे हुंदा, होर घरे-घरे रोटी खान्दा थी, होर खुशी संघे होर मना री सिधाई संघे खांणा खांदा। 47होर परमेश्वरा री स्तुति करा, होर सबे लोका त्याह का खुश थी, होर जोह उद्धार पांऊदा थी, त्याहक परमेश्वर रोज त्याहबे मलाऊंदा थी।
Избрани в момента:
प्रेरित 2: ISJNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.