Nahúm 2
2
1 1 (2) Nínive, baza be'nnen wlleyi rwe',
Baze xnid konen waka ya ko'o ka' raw ze war ka'.
Bllenaw tnezen.
Bachajlla spaden.
Na batup be'nn ka' llun rwe' waren.
2 2 (3) Le Xanllon walise'e yel baran ke Jacoben,
na rente ke Israelen.
Kan naken kan bine watach walan aken'na,
na bakoan aken ka yay uvas da bi zu xhoze.
3 3 (4) Da xna nak dan llkoej be'nn kaꞌ llaj raw wdilen,
na lekse ka' da xna nak xharan waka ya ka'.
Baze ake' xnid nench'na chej ake' raw wdil.
Na karret ka' nsa aken naken ke yi',
na kabay ka' bazo'ze llak akba.
4 4 (5) To llakch'konch ba sjada karret ka' nsa waka ya ka' du tnezen,
to kile, to kale llechj akba lawya dan lli radj yellen,
sjanaken ke to da lleynin yichjrawe,
na llden ke to yi' bziw.
5 5 (6) Be'nnen llnebian llaxhe'e xan waka ya ke'e ka',
na to llchid loellj ake'
zajze ake' raw ze ka',
na be'nn ka' llapen, llaze ake' xnid.
6 6 (7) Lliarj reij ka' nzay nis yeo ka',
na yo' ra'on llyinjen.
7 7 (8) Ba brej ake' raw yellen noren llnebian,
na rente be'nn wen llin ke'e ka' nun ake' le'e txhen,
na bell yia'ch ake', kan llun prum ka',
na llbell ake' llballchach lloa lcho ake'.
8 7 (8) Ke llun nisen llararguen to lo tank da bazu be,
kan llun be'nn Nínive ka' llaxhonjdo ake'.
Lekoexh. Lewabi. Lle ake' le ake',
axha chras nutno llabikse.
9 9 (10) Le koan ya plat ka'. Le koan ya cha'on nzi oro.
Le yel wnia xhen sjade raw yell Níniven to bi lladuksen.
10 10 (11) Ba blleyin, ba naken to latj dach,
ka banak Níniven.
To llakti't raxhdao aken,
to xhistit xhib aken,
na yoy akte bill ndiprall ake'
to nak niachraz llwarao aken.
11 11 (12) ¿Ke bixha dell lo yaj broj xhen ke bell yix ka',
na gan sjalla xhi'nn bell yixen?
Gan sjalla bell yix ka' rente xhi'nn ba ka',
na bitbi da nxhull llbexh le akba,
na nutno llra' gunbeye le akba.
12 12 (13) Llut bell yixen ba ka' lljaxemban,
na lloeba ke bell yix noren, na ke xhi'nnba ka',
na llasllaba da ka' ba jalamba lo yaj broj ke ban.
Kweyi doxhente Níniven.
13 13 (14) Xanllon nap doxhente yelwaken ba bnee:
Gani' zia wayechja rwe':
wzeya karret ko'o ka' llajreno raw wdilen,
na wayontian bichteze,
wlleyia xhi'nno ka',
walana yelwan'na sjade raw yell-liw ko'on,
bill gat yel bell'ne ke be'nn ka' llajtixjoe xtillo ka'.
Избрани в момента:
Nahúm 2: ZPUPAT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте