Nahúm 1
1
Diozen llazie'e wzon keten llruke'e
1Da zegak ke yell xhen'na nzi Nínive, gani' llwen di'll dan
bredawe Nahúm, be'nnen gurj gan nzi Elcós.
2Xanllo Diozen llakre zi', na llazie'e wzon,
Xanllon llazie'e wzon be'nn ka' bizoren le'e wen,
na llaklle'e be'nn ka' llwiere le'en.
3Xanllon nake'e be'nn nexjrall, lekse ka' nape'e yelwak,
na bi wdegune dan wsakzie'e be'nnen nap dolen.
Xanllon llwe nez raw yejw be zban'na,
na bej ka' naken bichte ke nie'e ka'.
4Llchebe'e nista'on, na llayechten,
lekse ka' llacheche'e yoyte gan sjade nis yeo ka',
yu lix ke Basán'na,
na ya' gan nzi Carmelo llakoad da ka' sjalla rawen,
na llkoad rente yej ka' sjalla Líbanon.
5Xhistit ya' yeo ka' keten llre akren le'en,
na ya' ka' to llayon akzen keten ze'e kwiten,
doxhente yell-li'on xhizen keten llreren le'en,
na yoyte be'nn ka' sjalla rawen.
6¿Noxha wayaxhje llajse rawe'en keten llruken?
¿Noxha suere yel llaklla ke'en?
Yel llruk ke'en naken keto yi' da lleynin,
na le yaj bdinj ka' to llak aken chopla,
7Xanllon nake'e be'nn wen,
le'en llakrene'e lliw ket de dazed kello,
na llkoeje'e be'nn ka' ba nxenlall le'en.
8Axha, ke to ga llabia nis, na llwachachen kon da sjade,
ka' llune dlleyie'e be'nn ka' llayechj le'en,
na da xchulen lljaxhenen be'nn ka' llwiere le'en.
9¿Bixha xbab kenxhien llwiere gunle ke Xanllon?
Le'e wlleyie'e dokenak re'.
Nutno gak gunbeye le'e chop kwenle.
10Lakse nakre ke to yay yiech da noawoj,
le'e wzeye'e yoyte re' ke to yixh beb da ba niech.
11Raw yell ko'on Nínive, ba blloj be'nn wednayen nsa
xbab xhinjen, na ba bayechje'e Xanllon:
nake be'nn llroellsed da bi nak wen.
12Kelen'na lle Xanllon yell ke'en:
Lakse be'nn Sirio ka' nak ake' be'nn war, na be'nn zan kwis,
deksde kweyi ake', na walan aktie.
Nada' ba bsakzia rwe',
axha na', bill wzoayiacha rwe'.
13Wxhojtina yuken xhoa xkuyon,
na wxhoxjtina dan nchej rwen.
14Xanllon ba bnee kan gak ko'o rwe', be'nn llnebia Nínive,
Nullno xhi'nn xhasoaw su,
na wlleyia dios ko'on
na loe lsak ka',
na gana' wkoacha rwe' lo ban, le rwe' nako sral.
Yixjwen kan gak ke Níniven
15 15 (2.1) Lewiakero. Baza be'nnen lletje'e le ya' ka'
be'nnen nsa di'll dan llazoa nbaraz.
Ben to lni', Judá,
balarao kedan ba bchabon,
chras bill wadienbeye be'nn wednay ka' rwe',
dokenak ake' ba blleyi.
Избрани в момента:
Nahúm 1: ZPUPAT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте