Популярни библейски стихове от Marcos 5

Споделяне

Ne zutun, migkag̵i si Jesus te, “Bayi, umba neulian ka te zaru nu su midsarig ka kedì. Ulì ke en ne mebmelinawen is kebpekesavuk nu ne kenè ke en maan mezeruwi.”

Ne zuen dutun bahi he utew en nerasey su midsepulù en wey zezuwa he tuig is kegkevusbusi kandin ne kenà ed-engked. Ne haazà is daru zin, ne mezakel en he ebpemenambar is midtambar zutun ne naamin en is selapì din he insuhul zin te ebpemenambar kandin, iyan, nasì dà sikandin egkeurat kada edtembari.

Ne te neg̵ewezan din dutun is kumbalà ni Jesus, ne mid-engked haazà is kegkevusbusi kandin ne netuenan din dutun he haazà is egezamen din, ne naawè en diyà te kandin.

Ne hein dutun dan en, migewezan ni Jesus is belad dutun te vatà ne ke sikandin te, “Telita kumi,” he ke và dà egkeg̵iya te, “Bayi, enew kad!”

Ne te kemulu pa si Jesus egkag̵i zutun ne zuen nemekeuma he ebpuun diyà te valey ni Hayru. Ne migkag̵i zan diyà te ki Hayru te, “Kenè nu en bigbigata te eduma pa maan si Jesus su kenè niw en egkesepenan is gehinawa zuen te anak nu.” Iyan, si Jesus, wazè din itetenged haazà is migkag̵i te menge etew, kekenà, migkag̵i ziyà te ki Hayru te, “Kenè ka meseeng, kekenà, sarig ke zà kediey.”

Ne si Jesus, migkeg̵iyan din haazà is mezaat he mulin-ulin te, “Awè ka keniyan te etew!” Ne zutun nengulahì haazà is etew he ke sikandin diyà te ki Jesus te, “Ey! Sikew is anak te utew lavew he Megbevayà, ebmenuwen a kenikew? Edhengyuen ku kenikew he peserig̵a a kenikew he kenè e pa kenikew siluti su kayi ki te etuvangan te Megbevayà!” Ne mid-insaan ni Jesus haazà is etew te, “Hentei is ngazan nu?” Ne midtavak dutun haazà is mezaat he mulin-ulin te, “Iyan ngazan ku si Liblibuwen su utew key mezakel is nemenuuk kayi te etew.”