Grief Bites (Укусы журбы): Сумненьне выяўленаУзор

Звычайна, сумнеў і страх ідуць рука ў руку.

Абодва сьведчаць пра недахоп даверу і недахоп любові.

Калі сумнеў і страх падкрадаюцца да нас, тое зьяўляецца сыгналам да таго, каб мы спыталіся ў саміх сябе ці можа быць, што мы недастаткова давяраем Яму…або недастаткова любім Яго? Ці можа мы не дазваляем Ягонай любові быць удасканаленай ў нашым жыцьці?

Любоў робіцца дасканалай у Богу. Мы не павінны сумнявацца ці баяцца мінулага, цяперашняга альбо будучага.

З Божай дапамогай усё сапраўды спрыяе нам на добрае, у якіх бы абставінах мы б ні знаходзіліся, калі мы любім Яго і імкнёмся спазнаць Ягонае сэрца.

Мы служым неверагоднаму, дзівоснаму і магутнаму Богу…Богу, які так дбае пра нас, што Ён ходзіць з намі кожную сэкунду дня. Ён ня сьпіць і ніколі не бярэ перапынку.

Ён ніколі нас не пакідае і не выракаецца нас.

Ён ніколі не бывае нясталым.

Ён сапраўды так моцна любіць нас і дбае пра кожную дэталь нашага жыцьця…Ён не прапускае аніводнай. Мы служым усеабдымнаму Богу!

Калі мы сумняваемся, мы выбіраем верыць у тое, што Бог у глыбіні душы ня дбае пра нас. Мы сумняваемся ў Ягонай неверагоднай любові да нас.

Ці разумееце вы, наколькі вялікай ёсьць Ягоная любоў да вас? Ягоная любоў глыбейшая за глыбіню мора…шырэйшая за цэлы сьвет…і вышэйшая за неба!

Ён горача любіць вас, больш чым вы маглі б тое зразумець!

Вам больш не патрэбна сумнявацца ці баяцца. Чым болей вы закахаецеся ў Бога, тым меней вы будзеце баяцца, турбавацца або сумнявацца. Любоў — гэта проціядзьдзе. Паспытайце і ўбачыце, які добры Гасподзь! Ягоная любоў — найлепшая!

Якімі сумневамі, згрызотамі і страхамі вам неабходна падзяліцца з Богам сёньня? Запрашаю вас узяць усе вашыя страхі, турботы і сумневы…і кожную сытуацыю, што прычыніла вам душэўны або духоўны боль…і пакласьці ўсё гэта каля Божых ног.

Аддайце ЎСЁ гэта Яму сёньня!

Упадзеце ў Ягоныя рукі і выберыце давяраць Яму!