Grief Bites (Укусы журбы): Сумненьне выяўленаУзор

Сумнеў — даволі непапулярнае слова сярод хрысьціянаў. Большасьць хрысьціянаў, калі яны маюць сумненьні, баяцца прызнацца ў гэтым, з-за адчуваньня віны за свае сумнеўныя думкі, ці з-за магчымага прысуду ад людзей.

Калі сумнеў усплывае на паверхню, шмат якія людзі разглядаюць яго, як недахоп веры…ці як недахоп упэўненасьці ў Богу і ў Ягоным слове…дык шмат якія людзі змагаюцца моўчкі. З-за гэтага бязгучнага змаганьня, іхняе хаджэньне з Богам можа стаць застойным.

Нам абавязкова трэба ведаць, як паводзіцца, калі мы маем сумневы, каб мы здолелі зазнаць насычаныя ўзаемаадносіны з Богам, да якіх мы цалкам здатныя.

Глыбака падумайце, якія сумневы вы маеце сёньня.

Ці сумняваецеся вы, што Бог можа:
вылечыць ваш душэўны боль…выратаваць ваш шлюб…дапамагчы вам зь фінансамі…прабачыць вас…цалкам прыняць вас…вылечыць вашую зламаную душу…дзейнічаць у жыцьці непакорнага сужэнца або дзіцяці…што Ён у стане забясьпечыць…ці што Ён можа дзейнічаць ува ўсякіх іншых абставінах, якія разьдзіраюць вас унутры?

Я сумнявалася ў Богу ў некаторых абставінах…і я нават ня ведала ці не разумела таго ў той час.

Мы сумняваемся са шматлікіх прычынаў.

Шмат якія людзі сумняваюцца, што Бог рупіцца пра іх. Але ці ведаеце вы, што Бог сапраўды нахіляецца зь Нябёсаў, каб пачуць нашыя малітвы, душэўны боль, турботы і нават нашыя пытаньні?

Ён такі добры! Ён не павінен нахіляцца, каб пачуць нас, але Ён ахвотна выбірае рабіць тое з-за Сваёй вялікай любові. Ці ведаеце вы, што Бог сабраў усе сьлёзы, якімі вы калі-небудзь плакалі, і запісаў кожны душэўны боль, што вы калі-небудзь адчулі, у кнізе?

Бог сапраўды рупіцца пра кожны душэўны боль і шчырае пытаньне ці просьбу, што мы маем. Ён рупіцца пра кожнага з нас ува ўсіх абставінах, у якіх мы знаходзімся…у мінулых, у цяперашніх і ў будучых.

Калі вы адчуваеце, што вашыя адносіны з Богам састарэлі, — магчыма, у гэтым вінаваты сумнеў.

Ці дзівіцеся вы, як Бог абыходзіцца зь людзьмі, якія сумняваюцца? У Бібліі Бог дае пяшчотны прыклад літасьці, аказанай найбольш знакамітаму скептыку Тамашу.

Я заклікаю вас глыбока паразважаць і вызначыць ваш сумнеў сёньня. Папрасеце Бога паказаць вам, у чым сумняваецца вашае сэрца. Пры гэтым будзьце цалкам сумленнымі і шчырымі. Магчыма, што тое, што Ён пакажа, зьдзівіць вас.

Выберыце сёньня, як Тамаш, прынесьці вашыя сумневы да Бога і пакласьці іх у Ягоныя рукі. Ён ужо ведае, што ёсьць у вашым сэрцы, дык будзьце шчырыя. Насамрэч, узнагародай будуць больш шчыльныя ўзаемаадносіны зь Ім!