Падарожжа да ясьляўУзор

Ісус быў Божым абяцаньнем

Прарок за прарокам прадказваў прыход Мэсіі. Шмат якія ізраільскія звычаі ды фэсты былі вобразам таго, што мелася адбыцца зь Ягоным зьяўленьнем. Адылі міналі стагодзьдзі, і жыцьцё ішло як заўжды, без абяцанага боскага ўмяшаньня. Ці Божыя словы да Ягонага народу былі ўсяго толькі пустымі абяцаньнямі? Ці ўсе прарокі памыліліся? Ці чалавеку было наканавана жыць у кайданах грэху й няволі?

Потым, у дзень, што пачаўся, як хоць-які іншы, тое доўгачаканае боскае ўмяшаньне прыйшло ў выглядзе дзіцяняці, якое мелася зьмяніць лёс чалавецтва. Для ўсіх тых, хто яшчэ чакаў Яго, Ісус прыйшоў ціха й без фанфараў. Але ў той дзень, калі Ён нарадзіўся, сьвет зьмяніўся кардынальна. Ад гэтага моманту, нішто не застанецца такім самым.

Дзейнасьць: Паразважайце над сваім сьведчаньнем. Занатуйце, дакладна як зьмянілася вашае жыцьцё, калі вы прынялі Ісуса. Падзялецеся тым зь іншымі вернікамі, каб падбадзёрыць іхнюю веру.