Атрымаць прыкладаннеПадарожжа да ясьляўУзор
Увасабленьне
Найбольш знакаміты фрагмэнт Мікелянджэлава шэдэўра на столі Сыксьцінскае капэлы называецца “Стварэньне Адама”. Адам ляжыць на валуне, а Бог, несучыся на аблоках, працягвае Свой творчы палец да першага чалавека. Адам працягвае руку па Бога, і іхныя пальцы амаль што сустракаюцца, але не дакранаюцца.
Параўнайце гэта з прыгажосьцю ўвасабленьня: Бог стаўся плоцьцю, каб ня толькі быць побач са Сваім стварэньнем, але й каб пажыць, як адзін з нас, цалкам чалавек і цалкам Бог. Слова “увасабленьне” можа й гучыць як фармальнае тэалягічнае слова, але насамрэч яно рэпрэзэнтуе надзвычайную блізкасьць.
Ісус стаў немаўлём, потым дзіцём, потым падлеткам і потым дарослым чалавекам дзеля таго, каб Ён мог цалкам разумець нас. Няма больш аніякае ахвяры, якая магла б параўнацца зь Ягонай.
Дзейнасьць: Правядзеце трохі часу сам-насам на прыродзе. Паразважайце над тым, як Ісусаў досьвед жыцьця на зямлі дапамагае Яму разумець вас ва ўсякіх абставінах.
Сьвятое Пісьмо
Аб гэтым плане
У адну ціхую ноч 2000 гадоў таму, анёлы паведамілі навіну аб нараджэньні Збаўцы групе пастухоў, якія пасьвілі сваіх авечак. Калі пастухі пачулі тую навіну, дык яны пакінулі ўсё, каб пайсьці паглядзець на дзіцяня ў ясьлях у Бэтлееме. З часу тае падзеі прайшло вельмі шмат гадоў, але запрашэньне застаецца тым жа самым. Далучэцеся да доктара Чарльза Стэнлі, які дапаможа вам наблізіцца да Збаўцы ды натхне вас адпачыць у любові Бацькі ў гэтую пару.
More
