Блаславенні апраўданняУзор

У Нас Ёсць Упэўненасць на Кожны Дзень

Сапраўдны хрысціянін мае не толькі надзею на будучыню, але і ўпэўненасць у выпрабаваннях сённяшняга дня. «Формула» гэтай упэўненасці можа выглядаць так: выпрабаванні плюс Хрыстос роўна цярпенне; цярпенне плюс Хрыстос роўна характар; характар плюс Хрыстос роўна надзея. Звярні ўвагу: мы не святкуем свае выпрабаванні, як быццам яны робяць нас больш духоўнымі. Мы радуемся таму, як Ісус дзейнічае ў нас і праз нас падчас выпрабаванняў.

Ілжывыя настаўнікі могуць сцвярджаць, што прыняцце Хрыста вызваліць нас ад выпрабаванняў і пакут. Яны вучаць, што, прыняўшы Ісуса, мы не будзем сутыкацца з цяжкасцямі ў жыцці. Гэта абсалютная няпраўда. Сам Ісус растлумачыў, што ў гэтым свеце мы сутыкнёмся з многімі цяжкасцямі, але не павінны баяцца, бо Ён з намі і Ён перамог свет.

Сутнасць не ў тым, ці будуць праблемы ў нашым жыцці, а ў тым, што Хрыстос заўсёды побач з намі ў любых абставінах нашага жыцця. І гэта цудоўная ісціна! Ён абяцае ніколі не пакінуць і не забыць нас. Гэтая iсцiна дапамагае ўспрымаць праблемы ў жыцці як магчымасць для Бога фармаваць і перамяняць нас у Яго вобраз, калі мы працягваем давяраць Яму.

Малітва: Любячы Госпадзе, Ты крыніца маёй упэўненасці кожны дзень. Няхай у найбольш цяжкія хвіліны для мне будзе даволi Тваёй ласкi. Дапамажы мне праслаўляць Тваё святое імя і спяваць Табе хвалу нават у цяжкасцях. МалюсяўІмяІсуса, Амін.