Блаславенні апраўданняУзор

Мы Маем Мір у Хрысце

Калісьці мы супрацьстаялі Богу, але цяпер у Хрысце мы маем мір з Богам. Мір з Богам азначае, што Хрыстос сваёй ахвярай на крыжы сплаціў доўг за наш грэх. Калі мы верым у Ісуса, Бог лічыць нас праведнымі, бо глядзіць на нас праз адкупляльную кроў Хрыста. Бог — наш Айцец, а не Суддзя, бо апраўданыя вераю ў Хрыста не падлягаюць асуджэнню. Бог сапраўды з'яўляецца вярхоўным суддзёй, але веруючыя ў Хрыста вызваленыя ад суду. Нішто ў свеце не можа даць нам такога міру, як мы маем у Хрысце.

Мы можам думаць, што матэрыяльныя рэчы прынясуць нам мір. Але мір і шчасце, якія дае нам уласнасць, кароткачасовыя ў параўнанні з вечным мірам Хрыста. Новы дом ці машына могуць знікнуць, але тое, што Хрыстос зрабіў на крыжы, ніколі не знікне. Кроў Ісуса прымірыла нас з Богам. Нішто і ніхто не могуць змяніць гэты факт — і на гэтым палягае наш мір.

Малітва: Любячы Господзе, Ты мой вечны мір! Дзякую Табе за тое, што Ты зрабіў для мяне. Я апраўданы праз веру ў Цябе, Ісус. Маё сэрца напоўнена мірам і радасцю. МалюсяўІмяІсуса, Амін.