Найважнейшае Рашэнне ў Тваім Жыцці!Узор

Збаўленне: Роля Бога і Твая Роля

Тваё збаўленне грунтуецца на двух істотных рашэннях. Першае — гэта прынятае даўно рашэнне Бога паслаць Свайго Сына ў свет як нашага адзінага Збаўцу. Другое — гэта тваё рашэнне прыняць Сына як СВАЙГО Збаўцу.
«Бо ласкаю вы ўратаваны праз веру, і гэта не ад вас — гэта дар Божы, не ад учынкаў, каб ніхто не хваліўся» (Пасланне да Эфесянаў 2:8-9).

ЛАСКА — гэта незаслужаная або незаработаная дабрыня. Божая ласка — гэта Яго роля ў збаўленні, і Бог дае яе людзям у выглядзе дасканалага дару — Ісуса Хрыста. Праз крыж Ісус цалкам аплаціў пакаранне за нашы грахі. Дзякуючы Ісусу, увасобленай Божай ласцы, ад нас не патрабуецца пэўнай колькасцi добрых спраў, бо мы не можам імі расплаціцца. Мы не можам зарабіць сваё збаўленне; гэта бясплатны дар, даступны ўсім, і за яго не трэба плаціць.

ВЕРА — гэта ўпэўненасць у існаванні таго, што нельга ўбачыць або адчуць фізічна. Вера — гэта наш удзел у збаўленні, і праз веру мы свядома выбіраем падпарадкаваць сваё жыццё Богу, прызнаючы Ісуса сваім Госпадам. Калi ты прымаеш Божую ласку праз Ісуса Хрыста, ты несумненна становiшся прызначаны для вечнасці з Богам на нябёсах. Ты можаш быць упэўнены ў гэтым на 100%!

Хоць мы не можам зарабіць сабе збаўленне добрымі справамі, яны маюць важнае значэнне для нашага хрысціянскага жыцця пасля прыняцця Ісуса.
«Бо мы Яго тварэнне, створанае ў Хрысце Ісусе для добрых учынкаў, якія Бог загадзя падрыхтаваў, каб мы іх выконвалі» (Эфесянам 2:10).

Бог мае асаблівы план для жыцця кожнага з нас, і дэталі гэтага плана галоўным чынам вядомыя толькі табе і Богу. Але ў Бога ёсць агульная задача для ўсіх Яго дзяцей: мы павінны праяўляць сваю веру праз добрыя ўчынкі. Праз гэта мы выконваем важны аспект Божага плана і маем прывілей паказваць Яго любоў іншым. Збаўленне — гэта і пачатак новага жыцця, і канчатковая мэта, і гэта прычына для радасці. Ты — новае тварэнне, змененае назаўсёды!