Найважнейшае Рашэнне ў Тваім Жыцці!Узор

БогСтварыўЦябедляВечнасцi

Калі Бог ствараў нас, Ён планаваўзначна больш, чым 70 ці 80 гадоў нашага жыцця. Бог мае канкрэтны план для жыцця кожнага з нас. Яго план ахоплівае як наша зямное, так і наша нябеснае (вечнае) жыццё. Якава 4:14 тлумачыць розніцу паміж часовым і вечным аспектамі нашага быцця.

«Жыццё вашае — як пара: на імгненне ўзнікае і знікае» (Якава 4:14).

Ты напэўна чуў выказванне: «Жыццё кароткае». У параўнаннi з вечнасцю гэта сапраўды так!

Біблія кажа: «...належыць людзям адзін раз памерці, а пасля гэтага — суд» (Габрэям 9:27).

Ніхто з нас не можа пазбегнуць фізічнай смерці. Але фізічная смерць — гэта спыненне жыцця цела, але не душы. Душа, ці свядомасць, што жыве ў нашым целе, вечная. Пасля смерці наша душа правядзе вечнасць у адным з двух месцаў: у раі ці ў пекле.

Рай — гэта вечнае месца прысутнасці Бога.

Пекла — гэта поўнае аддзяленне ад Бога.

Нашае нараджэнне на зямлi азначае пачатак як фізічнага жыцця, так і духоўнага існавання праз усю вечнасць. Хоць у параўнанні з вечнасцю зямное жыццё здаецца нязначным, гэта зусім не так. Твой вечны лёс вызначаецца рашэннямі, якія ты прымаеш на зямлі, і галоўнае з іх — прызнаць Ісуса Хрыста сваім Госпадам. Збаўленне даступна кожнаму праз Ісуса Хрыста, і толькі праз Яго мы можам змяніць наш лёс — замест вечнага аддзялення ад Бога правесці вечнасць з Ім у Небе.

Ісус сказаў: «Я ёсць шлях, і ісціна, і жыццё. Ніхто не прыходзіць да Айца, як толькі праз Мяне» (Ян 14:6).

Рашэнні, якія мы прымаем падчас нашага жыцця на зямлі, з‘яўляюцца важнымi і па іншых прычынах. Як хрысціяне, мы можам уплываць на вечны лёс тых, хто яшчэ не спазнаў Ісуса як свайго Збаўцу. Кожны дзень людзі вакол нас назіраюць за тым, як мы жывем для Хрыста. Як хрысціяне, мы з'яўляемся інструментамі ў руках Бога, каб наблізіць Нябёсы да тых, хто яшчэ не ведае Яго.

«Вы — святло свету... няхай ваша святло ззяе перад людзьмі, каб яны бачылі вашыя добрыя ўчынкі і славілі Бога ў нябёсах,» — сказаў Ісус (Мацвей 5:14-16).