Перапоўнена маімі дабраславеннямі (Частка 2)Узор

Якія думкі займаюць цябе сёння раніцай? Што менавіта адцягвае тваю увагу і не дае засяродзіцца на гэтых словах? Якія думкі ўзнікаюць у цябе, прымушаючы цябе верыць у тое, што самыя горшыя страхі спраўдзяцца?

Што, калі я скажу табе, што ёсць спосаб пазбавіцца ад гэтых думак і страхаў?

Прачытай Выхад 2:1-10

Звярні ўвагу, што перад гэтай мамай таксама стаяла дылема. Яе праблема адрознівалася ад тваёй, але я ўпэўнена, што яна паглынала ўсе яе думкі. Яна спрабавала выратаваць свайго сына ад немінучай смерці (Выхад 1:15-21) Але гэтая мама зрабіла ўсё, што залежала ад яе. На працягу трох месяцаў яна хавала свайго сына! Я не ведаю, што наконт вашых сыноў, але адзін з маіх у прыватнасці плакаў вельмі гучна. Нават ва узросце немаўляці ён меў глыбокі нізкі голас. Схаваць яго было б даволі складана. Але яна зрабіла гэта.

А пасля таго, калі яна зрабіла ўсё, што магла , яна паклала яго ў кошык.

Цяпер прачытайце, то здарылася пасля гэтага. Царская дачка выпадкова прыходзіць купацца менавіта ў гэты час. Выпадкова бачыць кошык. Проста выпадкова яе сэрца паспачувала гэтаму габрэйскаму хлопчыку, які плакаў. Яна проста выпадкова папрасіла яго сястру, якая была побач, быць ягонай памочніцай і ягоную уласную маці быць ягонай карміліцай, бо яна прыняла гэтае дзіця, як сваё уласнае. Яго жыццё было выратавана!

Гэтыя "выпадковасці" не былі простымі супадзеннямі. Яны прыйшлі з сэрца любячага Айца, які знаходзіцца побач, калі мы перадаем свае праблемы, страхі і заклапочанасці ў Ягоныя рукі - кошык. Ён заўсёды працуе на нашым баку, выкарыстоўваючы ўсе магчымасці дзеля нашай карысці. Ён просіць нас аддаць Яму сваіх дзяцей, сваіх мужоў, свае страхі і клопаты, дзеля нашай карысці і Ягонай славы.

Чаго ты баішся? Якія твае цяжкія абставіны? На чым ты засяроджваешся? Можаш адпусціць гэта?

Складзі ўсё гэта ў кошык! Адыдзі і назірай, што адбываецца.

О, Ойча. Мае страхі авалодваюць мной, я ведаю. Я спрабую зразумець, як выхоўваць сваіх дзяцей, аплачваць наступны рахунак, любіць свайго мужа, ладзіць з мамай, братамі і сёстрамі, суседзямі і ўсімі астатнімі жыццёвымі пытаннямі, якія захопліваюць мяне. Дай мне мужнасці аддаць Табе сёння ўсе гэтыя пытанні. Я раблю свядомы выбар аддаць іх Табе ў Твае любячыя рукі - кошык. Дай мне цярплівасці сядзець, прыбраўшы рукі, каб мае вочы маглі ўбачыць, як дзейнічае Твая магутная сіла. Я давяраю Табе.