Перапоўнена маімі дабраславеннямі (Частка 2)Узор

Псальм 101 дае такое цудоўнае, амаль гумарыстычнае апісанне нас, мам у нашыя самыя горшыя дні.

“Зніклі, як дым, дні мае”.Так, яны або пралятаюць, і я нічога не паспяваю зрабіць, або цягнуцца так доўга, што немагчыма дачакацца вечара, калі нарэшце можна пайсці спаць.

“Скошанае як трава і высахлае сэрца маё”. Словы, якія маё дзіця толькі што выкрыкнула ў мой адрас, ранілі мяне мацней, чым хацелася б.

“ажно забываюся я есці хлеб свой.” Гэта таму, што калі ты падыходзіш да мікрахвалёўкі, каб разагрэць свой ужо астылы абед, ты знаходзіш там сваю ранішнюю каву.

“Я падобны да пелікана ў пустыні, … стаўся як пугач сярод спусташэння.” Як увогуле можна адчуваць сябе настолькі самотна ў хаце, поўнай людзей?

“Увесь дзень зневажаюць мяне ворагі мае; тыя, што смяюцца з мяне, запрысягнуліся супраць мяне.” З якога часу я пачала бачыць ворагаў у сваіх дзецях? Чаму слова "мама" так часта ўспрымаецца, як лаянка?

Я памятаю гэтыя дні. Я нават памятаю, як гаварыла: "Не мамкай!" Зараз, праз гады, я чытаю гэта з усмешкай, але тады было шмат дзён, калі я адчувала гэта вельмі рэальным. Мае дзеці былі мне, як ворагі.

Хоць нашыя дзеці не з'яўляюцца нашымі ворагамі, насамрэч, у нас ёсць вельмі рэальны праціўнік. Сатана імкнецца скрасці наш спакой і радасць, пазбавіць нас уплыву і разбурыць нашу веру. Ягонай канчатковай мэтай з'яўляецца пазбавіць нас нашай ролі добрай жонкі і маці. Будзь уважлівай да ягонай тактыкі.

Псальм 101 мяняецца ў 13-ым вершы: "Але Ты, Госпадзе"Няхай гэта стане крыкам нашага сэрца. Ён верны і мае спачуванне. Ён адказвае на нашыя адчайныя малітвы і спадзяванні дзеля будучага пакалення. Ён не змяняецца; Ягоныя гады ніколі не скончацца.

Прычына, чаму мы працягваем жыць? Прачытайце канец раздзела: "Сыны слугаў Тваіх будуць жыць, і насенне іхняе будзе ўмацаванае перад абліччам Тваім."

Нашыя дзеці не з'яўляюцца нашымі ворагамі. Яны - нашая будучыня і спадчына Божай любові. .

Ойча, дзякуй Табе за тое, што ў Тваім Слове можна знайсці нават гумар. Сёння я прашу Цябе аб лёгкасці ў духу, і дапамажы мне памятаць, што мае дзеці - гэта не ворагі, а мая спадчына. Дапамажы мне быць ўважлівай і пільнай да таго, хто з'яўляецца маім сапраўдным ворагам, хто імкнецца забіць, скрасці і разбурыць, ведаючы, што калі я клічу Цябе, ён уцякае.