Знайдзі час на адпачынакУзор

Аднаві твой розум празь вядзеньне дзёньніка.

Тое, пра што ты думаеш, расьце. Засяроджвай увагу не на тым, што з табой адбываецца, а на тым, што ты будзеш рабіць! - Доктар Кэралайн Ліф.

У другім дні гэтага пляну мы даведаліся пра тое, як адпачываць з дапамогай Божага Слова, каб нашыя дзеяньні адпавядалі Ягонай праўдзе. Існуе шмат спосабаў дазволіць Сьвятому Пісьму прасякнуць наш дух. Ягоная праўда літаральна напоўніць наш розум, і мы пачнем бачыць рэчы па-іншаму. У працэсе разважаньня над Божым Словам наш розум адновіцца, і мы знойдзем супакой, які мы не маглі нават уявіць сабе.

Дзеля таго, каб выцягнуць як найбольш з нашага часу ў Божым Слове, мы можам зрабіць вядзеньне дзёньніка часткай нашае штодзённае рутыны. Запісы ў дзёньніку не абавязкова павінны быць доўгімі або вельмі дэталёвымі, калі ты яшчэ не прызвычаіўся да гэтага. Можна проста занатоўваць некалькі радкоў наконт таго, што ты зразумеў, чытаючы Біблію. Існуе шмат спосабаў весьці дзёньнік. Мы можам занатоўваць нашыя думкі або малітвы; некаторыя людзі нават малююць нешта ў сваіх дзёньніках. Няма аднаго правільнага спосабу весьці дзёньнік. У агульных рысах, вось што ты можаш зрабіць, каб пачаць:

• Абяры верш (або некалькі) і прачытай яго.
• Прачытай яго зноў.
• Запішы яго.
• Папрасі Бога дапамагчы табе зразумець яго і занатуй тое.

Магчыма, ты вырашыў напісаць пра Рымлянаў 8:28, што кажа: “А мы ведаем, што тым, якія любяць Бога, пакліканым паводле Ягонага вызначэньня, усё дапамагае на дабро.” Прачытаўшы гэты верш два або тры разы, запішам яго - магчыма, нават у розных біблійных перакладах. Потым папросім Бога разуменьня наконт таго, што мы толькі што прачыталі.

Уважліва чытаючы Сьвятое Пісьмо, карыстаючыся ўзорам, акрэсьленым вышэй, мы можам засвоіць яго на працягу дня. Штодзённае вядзеньне дзёньніку таксама дае нам магчымасьць потым азірнуцца назад і ўбачыць наш духоўны прагрэс і тое, як Бог прамаўляў да нас у мінулым.

У нас будзе яснае бачаньне і новая пэрспэктыва наконт таго, як Божае Слова тарнуецца да нашага жыцьця й цалкам аднаўляе нас. А калі наш розум аднаўляецца, дык мы атрымліваем адпачынак, які ня можа параўнацца з аніякаю зямною асалодаю.

Паразважай

• Ці ты калі-небудзь рабіў вядзеньне дзёньніка часткаю твайго штодзённага часу з Богам?
• Выберы адзін верш зь Бібліі ды зрабі запіс у тваім дзёньніку, выкарыстоўваючы вышэй прыведзены ўзор.
• Занатуй тое, што Бог сказаў табе праз сёньняшняе чытаньне Бібліі або пасьвячэньне.