Шэсьць крокаў да лепшага лідэрстваУзор

Пайдзі на рызыку

Незалежна ад таго, ці ты падлетак, студэнт, прафэсіянал або пэнсіянэр, зараз - найлепшы час пайсьці на рызыку. Ідзі на рызыку як у пэрыяды росту, так і ў пэрыяды ўпадку. Ніхто ніколі не дасягнуў нечага вялікага бяз рызыкі.

Я не заклікаю цябе рызыкаваць у няправільных рэчах. Не рызыкуй добрымі адносінамі, здароўем і тым, што добра працуе. Якія ў цябе тэорыі? Якія прадчуваньні маеш? Што цябе матывуе ў глыбіні душы? Рызыкні празь веру.

Мне падабаецца тое, што аднойчы сказаў былы прэзыдэнт Джымі Картар: “Залазь на дрэва, бо там больш пладоў.”

Ты, магчыма, чуў пра заможнага, але несумленнага бізнэсоўцу зь Бібліі, які забраўся на дрэва проста дзеля таго, каб паглядзець на Ісуса. Ён меў рэпутацыю махляра, бо быў начальнікам мытнікаў, і ён разбагацеў праз гэтую рэпутацыю. Аднаго дня ён рызыкнуў сваёй рэпутацыяй і жыцьцём і літаральна ўзьлез на дрэва, каб убачыць Ісуса. Ісус убачыў Закхея, які запрасіў яго ў госьці, і Закхеева жыцьцё амаль што адразу ж ператварылася ў нешта нашмат вартаснае.

Калі ты хочаш быць тым, кім заўсёды быў, дык працягвай рабіць тое, што заўсёды рабіў. Калі хочаш зьмяніцца, дык зьмяні тое, што робіш. Іншымі словамі, дзеля таго, каб атрымаць адрозны плод у жыцьці, табе можа быць патрэбна ўзьлезьці на дрэва.

Што табе трэба зрабіць? Пачаць пісаць кнігу, запрасіць некага на спатканьне, запусьціць новы прадукт, распачаць служэньне, запусьціць падкаст, або яшчэ нешта? Паводле таго, да чаго Бог заклікае цябе, як табе трэба рызыкнуць?

Дзей: Распавядзі чалавеку, якому давяраеш, пра рызыку, на якую хочаш пайсьці. Потым, зрабі першы крок.