Шэсьць крокаў да лепшага лідэрстваУзор

Распачні адносіны

Мы пачалі гэты плян чытаньня з таго, што вырашылі сьпярша “быць”, а ўжо потым “рабіць”. Калі ты хочаш зьмяніць сябе, дык мусіш быць асьцярожным, з кім наладжваеш адносіны.

Апостал Павал, які напісаў большую частку Новага запавету, перажыў адну з найбольш драматычных жыцьцёвых зьменаў у Бібліі. Гэтая зьмена была гэтакаю значнаю, што нават ягонае імя зьмянілася з Саўла на Паўла.

Савал ненавідзеў пасьлядоўнікаў Хрыста і жадаў іхняе сьмерці. Павал любіў пасьлядоўнікаў Хрыста да сканчэньня сваіх дзён на зямлі. Савал грэбаваў пасьлядоўнікамі Хрыста й вандраваў, каб перасьледаваць іх. Павал сустрэў Ісуса на дарозе і вандраваў, каб распавесьці ўсім пра Яго. Савал праводзіў час з рэлігійнымі людзьмі, намагаючыся дагадзіць Богу. Павал праводзіў час са зруйнаванымі людзьмі, дазваляючы Богу дзеяць праз сябе.

Спачатку Павал напаткаў Ісуса, Які паказаў яму сьвятло. Потым ён пазнаёміўся з Ананіям, які дапамог яму аднавіць сілы й пачаць бачыць (літаральна). Потым ён пазнаёміўся з Варнавам, які заступіўся за яго й прадставіў яго галоўным лідэрам царквы, якія дагэтуль баяліся яго. Сьпіс працягваецца, і сёньня Павал зьяўляецца, бадай, адным з найбольш эфэктыўных лідэраў у гісторыі.

Гэтак сама як Павал, ты, магчыма, знаходзісься за адны адносіны ад зьмены напрамку твайго лёсу. Калі справа датычыцца таго, каб праводзіць час зь іншымі людзьмі, дык ня проста адказвай людзям, якія просяць таго, але й сам рабі намаганьні, каб праводзіць час з тымі, хто напружвае цябе, падштурхоўвае цябе рабіць добрыя рэчы, і нават з тымі, хто цябе бянтэжыць.

Вазьмі прыклад з Паўла і сустрэнься з чалавекам, якога ты крытыкуеш. Мы часта крытыкуем тое, чаго не разумеем. Праводзь час ня толькі зь людзьмі твайго ўзросту, твае прафэсіі альбо з падобным да твайго досьведам. Загразнуў? Знайдзі якога-небудзь чалавека, які некалькі крокаў наперадзе. Калі табе 30, паразмаўляй з саракагадовым чалавекам, і спытай у яго, як ягонае цяперашняе мысьленьне адрозьніваецца ад мысьленьня, калі яму было 30.

Будзь падрыхтаваны слухаць шмат, задаваць добрыя пытаньні ды браць прыклад зь іншых. Не імітуй таго, што робяць іншыя, але навучыся думаць, як яны.

Нарэшце, калі ты дагэтуль не распачаў адносіны з Ісусам, ты знаходзісься за адны адносіны ад зьмены ў напрамку твайго лёсу. Са мною гэта было менавіта так. Сёньняшні апошні ўрывак са Сьвятога Пісьма зьмяшчае Паўлава апісаньне таго, як тое можа выглядаць.

Пагутары з Богам: Госпадзе, Ты ведаеш, кім я мушу быць, бо Ты стварыў мяне. Пакажы мне, калі ласка, з кім мне трэба сустрэцца. Дай мне мудрасьці й сілы наладжваць правільныя адносіны.