Адамант зь Лісай БівіэрУзор

Ці ты хочаш быць папулярным… або ўплывовым?

Папулярнасьць ды ўплывовасьць падаюцца падобнымі, але насамрэч яны вельмі адрозныя. Папулярнасьць патрабуе ад цябе альбо ісьці за масамі, альбо казаць ім тое, што яны жадаюць пачуць. Але ўплывовасьць запрашае цябе адстойваць праўду без падтрымкі натоўпу.

Насамрэч, праўда - гэта ня “што”, а “хто”, бо Ісус сказаў, што Ён ёсьць праўдай. Ісус таксама сказаў, што Божае Слова - гэта праўда. Гэтаму сьвету падабаецца думаць, што праўда - гэта нешта нясталае ды адноснае, але праўда, якая грунтуецца на асобе Мэсіі ды Божага Слова ніколі не зьмяняецца. У сьвеце, поўным розных поглядаў, Божая праўда вядзе нас да перакананьняў, на якіх мы можам будаваць сваё жыцьцё.

Трэба быць пільнымі й бачыць розьніцу паміж поглядамі ды перакананьнямі. Нашаму сьвету не патрэбны беспарадак, які вядуць за сабой шматлікія погляды. Яму патрэбна стабільнасьць, якая прыходзіць праз праўду. Стараймася не спрыяць шуму, які бянтэжыць ды адцягвае нашую ўвагу ад Сьвятога Пісьма ды Духа праўды.

Погляды лёгка прыдумляюцца й хутка зьмяняюцца, але іх цяжка прыбраць, калі мы нядбайна раскідваем іх навокал. Яны могуць стаць нечым накшталт сьмецьця, якое забруджвае як нашае жыцьцё, так і жыцьці іншых людзей. Мы мусім быць уважнымі з нашымі словамі, каб быць часткай вырашэньня праблемаў паводле нашага памазаньня.

Я заклікаю цябе рэдагаваць тваё жыцьцё й рэдагаваць словы, якія абіраеш казаць. Будзь пераборлівым да таго, што чытаеш, слухаеш, кажаш або публікуеш у інтэрнэце. Не выстаўляй усім на паказ твае сямейныя або царкоўныя праблемы. Але адначасова не маўчы аб іх: размаўляй аб сямейных праблемах зь сям’ёю. Калі якая-небудзь асоба ня мае дачыненьня да тых праблемаў або іх вырашэньня, дык ня ўблытвай яго ці яе. Гэта толькі павялічыць праблему заміж таго, каб вырашыць.

Як маўчаньне аб важных праблемах ёсьць роўным ухваленьню гэных праблемаў? Што значыць рэдагаваць свае словы так, каб быць часткаю вырашэньня, а ня часткаю праблемы?