Евангелле паводле Мацвея Раздзел 23
Раздзел 23
1Тады звярнуўся Ісус да людзей і да вучняў Сваіх,
2 #
Мк. 12:38; Лк. 11:43 кажучы: «На пасадзе Майсеевым заселі кніжнікі і фарысеі.
3Дык усё, што яны вам скажуць, захоўвайце і рабіце, але паводле ўчынкаў іх не рабіце; бо яны вучаць, а не робяць.
4 #
Лк. 11:46
Бо яны вяжуць цяжкія і непасільныя бярэмі ды ўскладаюць на плечы людзей, а самі і пальцам сваім не хочуць іх зрушыць.
5 #
Ліч. 15:38; Паўт. Зак. 6:8; Мк. 12:38 Яны робяць усе свае справы, каб людзі іх бачылі: пашыраюць філактэрыі свае і павялічваюць махры адзення свайго,
6 #
Мк. 12:38; Лк. 11:43 яны любяць першыя месцы за абедам і першыя лаўкі ў сінагогах,
7і прывітанні на рынку, ды каб іх людзі называлі: “Рабі, рабі”.
8 #
Мк. 9:35; Ян. 3:1 Вы ж не называйце сябе рабі, бо адзін ваш Вучыцель – Хрыстос, а вы ўсе – браты.
9Ані айцом сабе не называйце нікога на зямлі, бо адзін Айцец ваш, Які ў небе.
10Ані настаўнікамі не называйце сябе, бо адзін ваш Настаўнік – Хрыстос.
11 #
Мк. 9:35
Хто большы з вас – будзе вашым паслугачом.
12 #
Лк. 14:11; Як. 4:6; 1Пёт. 5:5 Бо хто сябе ўзвышае, той будзе прыніжаны, а хто сябе прыніжае, будзе ўзвышаны.
13 #
Лк. 11:52
Гора вам, кніжнікі і фарысеі, крывадушнікі, што зачыняеце Валадарства Нябеснае перад людзьмі. Вы і самі не ўваходзіце, і тым, што ўваходзяць, не дазваляеце ўвайсці.
14Гора вам, кніжнікі і фарысеі, крывадушнікі, што паядаеце дамы ўдоў і крывадушна доўга моліцеся: за гэта прымеце тым большае асуджэнне.
15Гора вам, кніжнікі і фарысеі, крывадушнікі, што аб’язджаеце мора і сушу, каб зрабіць хоць аднаго празелітам. А калі ім станецца, вы робіце яго сынам пекла, удвая горшым за сябе.
16Гора вам, сляпыя правадыры, што кажаце: “Хто прысягае святыняй, гэта нічога, а калі хто прысягае золатам святыні, той вінаваты”.
17Неразумныя і сляпыя! Што ж большае: золата ці святыня, якая асвячае золата?
18І: “Хто прысягае ахвярнікам, гэта нічога, а хто прысягае ахвярай, што на ім, той вінаваты”.
19Неразумныя і сляпыя! Што ж большае: ахвяра ці ахвярнік, які асвячае ахвяру?
20Дык вось, хто прысягае ахвярнікам, прысягае ім ды ўсім, што на ім.
21І хто прысягае святыняй, той прысягае ёй ды Тым, Хто ў ёй самой жыве.
22 #
Іс. 66:1; Дзеі 7:49 А хто прысягае небам, прысягае пасадам Божым і Тым, Хто сядзіць на ім.
23 #
Святар. 27:30; Лк. 11:42 Гора вам, кніжнікі і фарысеі, крывадушнікі, што бераце дзесяціну з мяты, кропу і кмену, а не звярнулі ўвагі на тое, што важнейшае ў законе: суд, міласэрнасць і веру. Гэта належала зрабіць і таго не пакідаць.
24Сляпыя правадыры, што працэджваеце камара, а праглынаеце вярблюда!
25 #
Мк. 7:4; Лк. 11:39 Гора вам, кніжнікі і фарысеі, крывадушнікі, бо абмываеце тое, што звонку чары і місы, а ўнутры поўныя здзерства ды нячыстасці.
26Фарысей сляпы! Ачысці перш знутры чару і місу, каб і тое, што звонку, стала чыстым.
27 #
Лк. 11:44
Гора вам, кніжнікі і фарысеі, крывадушнікі, бо вы падобныя да магіл пабеленых, што звонку выглядаюць прыгожымі, а ўнутры поўныя касцей мёртвых і ўсякай брыдоты.
28Так і вы звонку здаецеся людзям справядлівымі, а ўнутры поўныя крывадушнасці і беззаконня.
29 #
Лк. 11:47
Гора вам, кніжнікі і фарысеі, крывадушнікі, што будуеце магілы прарокам і аздабляеце помнікі справядлівым,
30і кажаце: “Каб мы жылі ў дні бацькоў нашых, не былі б саўдзельнікамі іх у праліванні крыві прарокаў”.
31 #
Дзеі 7:51; 1Тэс. 2:15 І так вы самі сведчыце, што вы – сыны тых, што забілі прарокаў.
32 #
1Тэс. 2:16
І вы дапаўняйце мерку бацькоў вашых.
33 #
Лк. 3:7
Змеі, гадзючыя вырадкі! Як жа вы пазбегнеце пякельнага прысуду?
34 #
Лк. 11:49; Ян. 16:2; Дзеі 5:40; 2Кар. 11:24 Таму вось Я пасылаю да вас прарокаў, і мудрых, і кніжнікаў, і адных з іх вы заб’яце і ўкрыжуеце, а іншых будзеце бічаваць у сінагогах вашых ды будзеце гнаць іх з горада ў горад,
35 #
Род. 4:8; 2Пар. 24:20, 21; Лк. 11:50; Адкр. 17:6 аж спадзе на вас уся кроў справядлівых, што разліта па зямлі, ад крыві справядлівага Абэля аж да крыві Захарыі, сына Барахіі, якога вы забілі між святыняй і ахвярнікам.
36Сапраўды кажу вам: спадзе гэта ўсё на пакаленне гэтае.
37 #
Лк. 13:34; Дзеі 7:58 Ерузалім, Ерузалім, што забіваеш прарокаў ды камянуеш тых, якія да цябе пасланы. Колькі разоў хацеў Я сабраць сыноў тваіх, як кураводка збірае пісклянят сваіх пад крылы, а ты не захацеў.
38 #
Ярэм. 22:5; Лк. 13:35; Дзеі 1:20 Вось, застаецца вам дом ваш пусты.
39 #
Пс. 118:26; 1Кар. 15:28 Бо кажу вам: “Не ўбачыце Мяне датуль, пакуль не скажаце: «“Дабраславёны, Хто прыходзіць у імя Госпада”».
Цяпер абрана:
Евангелле паводле Мацвея Раздзел 23: ББЧ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© МХРБ «Біблейскае таварыства ў Рэспубліцы Беларусь», 2017