लुका 17
17
लाःयो ओःले क्षमा
(मत्ती १८:६-७,२१-२२; मर्कुस ९:४२)
1येशुइ राःङगीइ योबाक्याला लाःसी, “मीःक्याला लाःयो पेःच्युगेन तामक्या तेःन्दामरा ओःङेन एः। इःनाङ राःङ्साला लाःयो पेःच्युगेन मीःक्याइ काःजे तुःक्पु ज्योर्केन एः! 2सुइयाङ दीखो सेमल्हुकला राःम्बु म्याःक्योक मीःला लाःयो पेःच्युबा, ओःखोला नी जीङ्बाला लाःगोर प्याङ्दीमारा चाङ्बुला क्युर्तेर्ना याःबु ओःङेन एः। 3ओः सोङ्गारा, च्यागाताःक्पु पेःदो! ख्याइ नोःइ लाःयो पेःदी एः लाःना खुङला हाप्स्याल तेङ्दो, ओःले खुङगीइ स्याबा पेःदी लाःयो पोःर्सी लाःना खुङला क्षमा तेर।
4ख्योइ नोःइ ख्योइ वीरुद्धला ङीःमा चीगला थाङ्मा तीःन लाःयो पेःसी लाःना ओःले खुङ थाङ्मा तीःनरा स्याबा पेःदी लाःयो पोःर्ती ख्योसाःला ओःङ्सी लाःना ख्योइ खुङला क्षमा तेर्राकोःउए।”
5प्रेरीतक्याइ येशुला लाःसी, “प्रभु, ङीःइ सेमल्हुक छ्योम्बो जोतेर।” 6येशुइ लेःन लोदी लाःसी, “ख्याक्या ङीमु पाल्गाइ बुदी चीग चे सेमल्हुक एः लाःना दीखो छ्योम्बो तोःङ्बोला#१७:६ छ्योम्बो तोःङ्बो दी तोःङ्बोदी कीम्बुइ तोःङ्बो एःके। दीखो तोःङ्बोइ चार्ङेदी रीःङ्बो ओःले माःङ्बु एःके। ‘ख्यो पोःदी चाङ्बुला चुगाला सुङ’ लाःसी लाःना ओःखोइ ङीःङेन एः।
लाबुइ पेःकोःन लेःगा
7ख्याक्याइ सुइ राःङगीइ लाबु सीःङ मोदी की लुःक छोदी खीमला लोःदी ओःङ्गासुना ‘गेबु ओःङ्दी साःजेला तेः’ लाःकुबा ले? 8बरु ख्याक्याइ एःन्डु का लाःटो, ‘ङाःइ लागी साःप्च्या जोदो, ओःले तयार पेःदो ओःले ङाःइ साःजे थुङ्जे माःसीःङ्थुप ङाःला मेःबा पेदो ओःले ओः तीङ्ला चीग्रा ख्यो सोः।’ 9राःङगीइ पेःदो लाःक्योक ताम पेःसी लाःती ची ओः ताःक्पुइ ओः लाबुला थुजीछे तेर्कुबा ले? 10ओःन्डुलेरा ख्याक्याइयाङ राःङला पेःदो लाःक्योक थाम्जेर लेःगा पेःसीःङ्मीःजीक लोःप, ‘ङीः नी नालायक लाबु इःङे, ङीःइ नी पेःदो लाःक्योक लेःगा चीग्रा पेःदी एः।’”
येशुइ मेःन्दा च्यु जे नाःजा थेङ्क्योकक्याला टाःच्युक्योक
11येशु यरुशलेम डोदेरा एःकासुना खुङ सामरीया रा गालील क्षेत्रइ कोःर्साले काःल्सी। 12युःल चीगला स्युःगासुना मेःन्दा च्यु जे नाःजा थेङ्क्योक#१७:१२ जे नाःजा थेङ्क्योक मोशाइ ठीमलादी जे नाःजा थेङ्क्योक मीःइ राःङ्सा मीःक्याला देजे मेःयोःङे लाःती प्रुःदी एःके। ख्य्वापीःजाक्या खुङला फ्रेकाला ओःङ्सी। खुङक्या थारीःङ्बुलेरा लाःङ्दी 13छ्योम्बो के तेङ्दी लाःसी, “ए प्रभु येशु, ङीःला नीङ च्योःदो!” 14येशुइ खुङक्याला तसी ओःले लाःसी, “ख्याक्या पुजाहारीक्यासाःला सुङ ओःले खुङक्याला ख्याक्याइ जे नाःजा ताच्युदो।” खुङक्या डोगासुना डोगासुनारा लाःमलारा टाःसी। 15मेःन्दा चीगदी राःङ टाःक्योक छोर्तीमारा छ्योम्बो के तेङ्दी कोन्ज्योला प्रशंसा पेःदेरा लोःदी ओःङ्सी। 16ओःले येशुइ काङ्बाइ तोःङ्ला खाप्लु क्याःप्ती थुजीछे तेर्सी। ओः लोःदी ओःङेन मीःदी सामरी क्युःपाइ मीः एःके। 17ओःले येशुइ लाःसी, “मेःन्दा च्युरा टाःक्योक मीःङे रा? राःङ्सा मेःन्दा कुःदी काःला एःपा? 18दीखो सामारी क्युःपाइ मीःबाहेक राःङ्साक्यादी चीले कोन्ज्योला थुजीछे तेर्चेला माःयोङ्बा?” 19ओःले येशुइ ओः सामारीला लाःसी, “लोःङ ओःले सुङ, ख्योइ सेमल्हुककीइरा ख्योला टाःच्युदी एः।”
कोन्ज्योइ क्याःल्खाप
(मत्ती २४:२३-२८,३७-४१)
20ङीःमा चीग फारीसीक्याइ येशुला कोन्ज्योइ क्याःल्खाप नाःम ओःङ्गुबा लाःती टीःसी। येशुइ खुङक्याला लेःन लोदी लाःसी, “कोन्ज्योइ क्याःल्खाप थोङेन पेःदी मेःयोःङ एः। 21सुइयाङ ‘तादो, कोन्ज्योइ क्याःल्खाप दीला एः’ की ‘ओःखो नी ओःला एः’ लाःमीःखुए चीलेलाःना कोन्ज्योइ क्याःल्खाप नी दीला ख्याक्या ङीमुरा एः।”
22ओः तीङ्ला येशुइ राःङगीइ योबाक्याला लाःसी, “ओः तीःनामाङ ओःङेन एः, ख्याक्याइ ङाः मीःइ पुःइ ङीःमा चीगकाङ ताजेला माःङ्बुरा सेम पेःगेन एः, इःनाङ ख्याक्याइ थोङ्जे मेःज्योर्केन एः। 23मीःक्याइ ख्याक्याला एःन्डु लाःकेन एः, ‘तादो, खुङ ओःला एः!’ की ‘तादो, खुङ दीला एः’ फीर्च्या ओः तेःकासु ख्याक्या खुङक्याइ तीङ्ला माःन्डो। 24चीलेलाःना ङाः मीःइ पुः ओःङेन ङीःमाला नाम्सार्गाइ छुरफार बीजुली चम्कीइतीक्योक च्योःङ्रा पेःदी ङाःला थोङेन एः। 25फीर्च्या एःन्डुबा ओःङ्जे तोःङ्ला ङाःइ माःङ्बुरा तुःक्पु खुर्कोःउए ओःले तीःङ्साङगीइ मीःक्याइ इन्कार पेःगेन एः। 26नोआइ#१७:२६ नोआ कोन्ज्योइ जाम्बुलीङला छ्युइ सीःङ्दाक ताङ्गासुना, नोआदी ताःक्पा मीः एःके ओःले खुङ माःङ्बुरा लोः तोःङ्ला जाम्बुलीङला तेःकुके। पालोला काःल्क्योक च्योःङ्रारा ङाः मीःइ पुःइ तीःनामलाङ ओःन्डुबारा ओःङेन एः। 27नोआ टुःला स्युःगेन ङीःमाथुपाङ मीःक्याइ साःदेरा एःके, थुङ्देरा एःके ओःले याःर्का क्याःप्तेरा एःके। ओःले बाढी ओःङ्सी, ओःले थाम्जेर मीःक्या बीङ्दी सीसी। 28माःङ्बुरा तोःङ्ला लोतकीइ तीःजीलाङ ओःन्डुबारा काःल्दी एःके। मीःक्याइ साःदेरा एःके, थुङ्देरा एःके, छेगाक्या ङ्योःदेरा ओःले चोङ्देरा एःके, सेनक्या चुदेरा एःके ओःले खीमक्या जोदेरा एःके। 29फीर्च्या लोतकीइ सदोम युःल पोःर्केन ङीःमुरा नाःम्खालीङलाःम्ले मेः रा गन्धक पाप्ती थाम्जेरला सेसी। 30ङाः मीःइ पुः फीर्च्या थोङेन तीःजीलाङ ओःन्डुबारा ओःङेन एः।
31ओः तेःकासु खीमखाला#१७:३१ खीमखाला लुका ५:१९ कीइ नोटला तादो। एःकेनक्या राःङगीइ नेकी छेगाक्या नेःङ्गाला खीम नाःङ्ला माःकाल्ज्युक। ओःन्डुलेरा सीःङला एःक्योकक्या खीमला लोःदी माःकाल्ज्युक। 32लोतकीइ पेःमेला#१७:३२ लोतकीइ पेःमे लोत ओःले खुङगीइ पेःमेलादी कोन्ज्योइ ओः क्याःसालाःम्ले छ्योङ्दो ओःले क्याःप लोःदी माता लाःती एःके। फीर्च्या ओः लोतकीइ पेःमेदी क्याःप लोःदी तासी चीलेलाःना खुङगीइ सेमदी खुङक्याइ पोःर्ती ओःङ्क्योक नोःर स्याःक्याछ्योले एःके। ओः सोङ्गारा, कोन्ज्योइ खुङलादी छाइ मुर्ती जोतेर्सी (उत्पत्ती १९:२६)। काःल्क्योक ताम टेःम्बा साल्दो! 33राःङगीइ मीःली सेन्च्युजे छोल्गेन्दीइ ओःखो सीच्युगेन एः। फीर्च्या राःङगीइ मीःली सीच्युगेन्दीइदी ओःखो सेन्च्युगेन एः। 34ङाः ख्याक्याला लाःके, ओः कुःङ्मु तेन चीगलारा ङ्याःल्क्योक मेःन्दा ङी मीःक्यालाःम्ले मेःन्दा चीग खेर्केन एः ओःले राःङ्सादीला पोःर्केन एः। 35ओःले ङीमु ङीमुरा लाःगोर थादेरा पेःक्योक मेःन्दा ङी पेःन्पीःजालाःम्ले मेःन्दा चीगला खेर्केन एः ओःले राःङ्सादीला पोःर्केन एः। 36[ओःन्डुलेरा सीःङला लेःगा पेःदेरा एःक्योक मेःन्दा ङीलाःम्ले मेःन्दा चीगला खेर्केन एः ओःले राःङ्सादीला पोःर्केन एः।]”#१७:३६ काःजे ग्रीक तामगीइ तोःङ्गीइ छ्येइ पेज्याला दीखो पददी म्याः।
37योबाक्याइ येशुला टीःसी, “काःला प्रभु?” येशुइ लेःन लोदी लाःसी, “काःला सीनु एःपा, ओःलारा गीद्धक्या रुःप चीःउए।”
Цяпер абрана:
लुका 17: SYW
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2024 (Active), Wycliffe Bible Translators, Inc. All rights reserved.