NAANAA 8

Í gona anduniala

1Nuhu kũ nɔ̀bɔsɛ̃ntɛnɔ kũ bɛ pɔ́kãde kũ ò kú kãao gó gũnnɔ pínki yã dɔ̀ Ludan. Kũ à ĩa gbàrɛ zĩtɛa, akũ í nà babanaaa. 2Í kũ ò kú zĩtɛ gbárunɔ kũ ludambɛ guforonɔ tàta, akũ legũ kɛ̃̀. 3Í pì tɛn baba busɛbusɛ àtɛn lago ari gɔrɔ basuppla akuri. 4A mɔ supplade gɔrɔ gɛ̃ro awɛɛplade zĩ gó pìi dì kpi kũ òdi pi Ararataa. 5Í pì tɛn lago ari mɔ kuride gũn. Mɔ kuride pì gɔrɔ káaku zĩ kpinɔ mìsɔ̃ntɛnɔ bòbo.

6Gɔrɔ bupla gbɛra Nuhu gó wondo kũ à bòn yã wɛ̃̀, 7akũ à kãakãanna gbàrɛ. Àtɛn vura àtɛn gɛ́ àtɛn su ari í bàba zĩtɛa. 8À potɛ̃nɛ gbàrɛ dɔ de à le à dɔ̃ tó í làgo zĩtɛa. 9Kũ potɛ̃nɛ dí diki lero, akũ a ɛ̀ra à sù Nuhu kĩnaa gó gũn, zaakũ í da anduniala pínkimɛ. Nuhu ɔ bò à a kũ̀ à gɛ̃̀o gó gũn. 10À kámma bò ari gɔrɔ suppla, akũ à ɛ̀ra à potɛ̃nɛ gbàrɛ dɔ. 11Potɛ̃nɛ pìi ɛ̀ra à sù à kĩnaa ɔkɔsi à kù lá kɛ̃̀ à kpá a lɛ́i. Akũ Nuhu dɔ̃ kũ í làgo zĩtɛa. 12À kámma bò gɔrɔ suppla dɔ, akũ à ɛ̀ra à potɛ̃nɛ pìi gbàrɛ, adi ɛra à sù a kĩnaa doro. 13Nuhu wɛ̃̀ wàa aakɔ̃ awɛɛdode gũn a mɔ káaku gɔrɔ káaku zĩ, í bàba zĩtɛa, akũ à gó pìi musu gò. Kũ à gu gwà, à è í làka zĩtɛa. 14A mɔ plade gɔrɔ baraasɔɔro awɛɛplade zĩ í bàba zĩtɛa.

15Akũ Luda yã ò Nuhunɛ à pì: 16Ǹ bo gó gũn kũ n nanɔo kũ n nɛ́gɔ̃gbɛ̃nɔ kũ ń nɔnɔo. 17Ǹ pɔ́ wɛ̃̀ndide kũ ò kú kũnwonɔ bɔtɛ pínki, bãnɔ kũ nɔ̀bɔnɔ kũ pɔ́ kũ òdi táa o kũ kùaonɔ pínki, de ò fãkɔ̃a zĩtɛ ògɔ̃ nɛ́ i ògɔ̃ kara andunia gũn. 18Akũ Nuhu bò kũ a nɛ́nɔ kũ a nanɔo kũ a nɛ́ pìnɔ nɔnɔo. 19Nɔ̀bɔnɔ pínki kũ pɔ́ kũ òdi táa o kũ kùaonɔ pínki kũ bãnɔ pínki kũ pɔ́ kũ òdi táa o zĩtɛnɔ pínki bɔ̀tɛ gó gũn buri kũ burio.

20Akũ Nuhu Dikiri gbagbaki bò. À nɔ̀bɔ kũ bã kũ òdi sa oonɔ kũ̀, akũ à sa'opɔ kũ òdi ká tɛ́n à tɛ́ kũ òa. 21Kũ Dikiri a gbĩ mà, à kɛ̀nɛ nna, akũ à laasun lɛ̀ à pì: Mani ɛra mà láari bo zĩtɛa bisãsiri yãi doro, zaakũ bisãsiri laasun dìgɔ̃ vãni zaa a kɛfɛnnakɛgɔrɔamɛ. Mani ɛra mà pɔ́ wɛ̃̀ndidenɔ kakatɛ lákũ ma kɛ̀ nà doro. 22Ari andunia gɛ́ àgɔ̃ kunwo pɔ́tɔ̃na kũ pɔ́kɛkɛnaao, ĩa kũ guwãnao, bunsirɛ kũ sakareo, fãnantɛ̃ kũ gwãanio, ń ke ni lákaro.

Цяпер абрана:

NAANAA 8: BB2005

Пазнака

Падзяліцца

Капіяваць

Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце

Больш падрабязна Аб Bisã Bible 2005

NAANAA 8

Папулярныя біблейскія вершы з
NAANAA 8

Біблія:

Busa

Пераклад: Bisã Bible 2005 - BB2005

NAANAA 8

NAANAA 8

Папулярныя біблейскія вершы з NAANAA 8

Біблія:

Busa

Пераклад: Bisã Bible 2005 - BB2005

NAANAA 8

Папулярныя біблейскія вершы з
NAANAA 8