Ester (Griego) Iyochibal juñ
Iyochibal juñ
Ka'bäl chuki mi' ipäs ili juñ weñ ambä ik'äjñibal cha'añ ili k'iñ, bajche' mi' ikäjñel yik'ot ijoñtol k'äjñel e'tel yik'ot, iyumäñtel Lak Yum ti' tojlel yumäñteltak. ESG 4.14 ts'äkal mi' itsiktesañ ili t'añ:
«Mi mach awomik t'añ che' bäbäk'eñbä k'iñ bajche' ili, jiñi ikoltäñtel judiojob mi' ikaj itilel ti ik'äb yaño'bä, ixku jatet yik'ot pejtelel api'älob mi' ikajel la' chämel. Mik ñop cha'añ tsa' ak'eñtiyet jiñi ñukbä awe'tel ti kojach cha'añ ma' koltañ api'älob ti ilibä k'iñ che' añ iwokol».
Yambä chuki mi' itajtäl ti t'añ ti ili juñ jiñäch jiñi k'iñijel cha'añ «Purim». Jiñi k'iñijel mi' ich'ujutesañ ikojlelob jiñi judiojob ti wi'il che' tsa'ix kojliyob, tsa'to chäñ ajñiyob ya' ti ilumal persajob.
Ti ili juñ mi' itaj ti t'añ uxtikilob: Jiñi Ester, t'o'ljaxbä yik'ot ch'ejlbä judiobä xch'ok, tsa'bä iña'ta iyäk' ikuxtälel cha'añ mi' ikoltañ itejklum; jiñi Mardoqueo, imajchilbä yik'ot iyaj käñtaya icha'añ Ester. Ili mi' ik'otel iyu'biñ chuki woli iña'täñtel itumbeñtel jiñi judiojob; yik'ot Amán, jiñäch ñaxambä x-e'tel icha'añ persajob yik'ot xjoñtol mäloñel icha'añ ili ñusak'iñ, tsa'bä iña'ta yik'ot tsi' iña'ta ijisañ jiñi ip'olbal judiojob yik'ot mi' ijisañ Mardoqueo.
Ili ijuñ icha'añ Ester mi ipejkäñtel ya' ti kiñijlel ñukbä ik'äjñibal icha'añ tejklum judiojob, che' bajche' mi' ipejkäñtel jiñi juñtak icha'añ Lamentaciones, Rut, Cantares yik'ot Eclesiastés. Ili jo'k'ej juñtak käñbil ti ik'aba' «Meguilot».
Cha'an che'äch k'elbil, ili ts'ijbubilbä ti' it'añ griegojob cha'añ ijuñ Ester, läk'ä lajaläch bajche' ts'ijbubilbä ti' it'añ hebreojob. K'extäyembä ti k'elol jiñäch che' ya' ti' it'añ griegojob ñumeñ tam, yik'ot mi' itaj ti alol chuki mi' ichajpäñtel cha'añ ch'ujutesaya. Ti lajiñtel ti k'elol, ya' ti' it'añ hebreojob ma'añik mi' taj ti k'elol ik'aba Lak Yum, ixku ila ti juñ muk'äch iyäl, awilañ mi' ichäñ mel ikoltaya Lak Yum cha'añ itejklum. Ilayi jiñi wiñikob x-ixikob mi' icha'leñob wokol t'añ yik'ot ch'ajb, yik'ot mi' icha'leñob ñajal yik'ot mi' itsiktesabeñtelob chuki mukul.
Цяпер абрана:
Ester (Griego) Iyochibal juñ: CholDc
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© Biblia Chol de estudio con DC- Derechos reservados por SBM