Марԛос 9
9
1У Әԝи ԝанрʼа гот: «Әз рʼаст ԝәрʼа дьбежьм, кӧ һьнәкед ль вьр сәкьни һәнә ԝе мьрьне нәбиньн, һʼәта кӧ нәбиньн Пʼадшатийа Хԝәде бь ԛәԝат те».
Шагьрт Иса нава нур у рʼумәтеда дьбиньн
(Мәтта 17:1-13; Луԛа 9:28-36)
2Пәй шәш рʼожарʼа Иса тʼәви Хԝә Пәтрус, Аԛуб у Йуһʼәнна һьлдан у рʼакьрьнә чʼийаки бьльнд, ль ԝьр әԝ тʼәне бун. Һьнге рʼәнге Ԝи ль бәр чʼәʼве ԝан һатә гӧһастьне. 3Кʼьнщед Ԝи ӧса чил-ԛәрԛаш бун у һаԛаси бьрьԛин, кӧ ль сәр рʼуйе әʼрде тʼӧ тьштәки кʼьнщсьпикьрьне нькарьбу әԝ һаԛаси сьпи бькьра. 4Һьнге Елйас у Муса ԝанва хӧйа бун у тʼәви Иса хәбәр дан. 5Пәтрус Исарʼа гот: «Дәрсдар, чаԝа рʼьнд ә кӧ әм вьр ьн! Дә әме се һʼолька чекьн, йәке Тәрʼа, йәке Мусарʼа у йәке жи Елйасрʼа». 6Әԝ ӧса тьрсийа бун, кӧ Пәтрус ньзаньбу чь бежә.
7Ԝе гаве әʼԝрәк дәркʼәт ль сәр ԝан кьрә си у дәнгәк жь әʼԝр һат: «Әв ә Кӧрʼе Мьни дәлал! Гӧһдарийа Ԝи бькьн!» 8Ньшкева шагьрта ль дора хԝә ньһерʼи, пештьри Иса кәсәк нәдитьн.
9Чахе жь чʼийе дьһатьнә хԝаре, Иса тʼәми ль ԝан кьр гот: «Чь кӧ ԝә дит тʼӧ кәсирʼа нәбежьн, һʼәта кӧ Кӧрʼе Мерьв жь мьрьне рʼанәбә». 10Шагьрта әв тʼәми хԝәй кьр у жь һәвдӧ пьрсин, кʼа мәʼна ве рʼабуна жь мьрьне чь йә. 11У ԝана же пьрси: «Гәло чьма ԛанунзан дьбежьн пешийе гәрәке Елйас бе?»#9:11 Малахи 4:5. 12Әԝи жи ԝанрʼа гот: «Рʼаст ә, пешийе Елйасе бе у һәр тьшти ԝе диса бинә щи. Ле чьма һатийә ньвисаре, кӧ Кӧрʼе Мерьв ԝе гәләки щәфе бькʼьшинә у бе беһӧрмәткьрьне? 13Ле Әз ԝәрʼа дьбежьм, Елйас һатийә жи у чаԝа кӧ бона ԝи һатьбу ньвисаре, ӧса жи сәре ԝи кьрьн, чаԝа кӧ дьле ԝан хԝәст».
Иса кӧрʼькәки щьнакʼәти ԛәнщ дькә
(Мәтта 17:14-21; Луԛа 9:37-43а)
14Гава вәгәрʼийанә щәм шагьртед дьн, дитьн ль дора ԝан әʼлаләтәкә гьран гьртийә у ԛанунзан жи ԝанрʼа кʼәтьбунә дәʼԝе. 15Һьнге тʼәмамийа әʼлаләте кӧ Иса дит, гәләки әʼщебмайи ма, бәрбь Ԝи бәзин у сьлав дане. 16Иса жь шагьрта пьрси: «Һун бона чь ԝанрʼа кʼәтьнә дәʼԝе?»
17Жь нав әʼлаләте мәрьвәки ле вәгәрʼанд у гот: «Дәрсдар! Мьн кӧрʼе хԝәйи рʼӧһʼе лалва гьрти ани щәм Тә. 18Кʼидәре кӧ пе дьгьрә ԝи әʼрде дьхә, кʼәф дев дькʼәвә, дьран ле дькьнә чʼьркә-чʼьрк у рʼәԛ дьбә. Мьн һиви жь шагьртед Тә кьр, кӧ ви рʼӧһʼи дәрхьн, ле нькарьбун».
19Иса ль ԝан вәгәрʼанд у гот: «Һәй ньсьле нәбаԝәр! Һʼәта кʼәнге Әзе тʼәви ԝә бьм? Һʼәта кʼәнге Әзе ль ԝә сәбьр кьм? Ԝи биньнә щәм Мьн». 20Ԝана кӧрʼьк анинә щәм Иса. Гава кӧ рʼӧһʼе һʼәрам Иса дит, перʼа-перʼа кӧрʼьк вәчʼьрʼьканд. Әԝ кʼәтә әʼрде, кʼәф дев кʼәт у пʼьрпьти. 21Иса жь баве ԝи пьрси: «Жь кʼәнгева әв йәка тʼәви ԝи дьԛәԝьмә?» Әԝи гот: «Жь зарʼотийеда. 22У ви рʼӧһʼи гәләк щара әва авитийә нава егьр у аве, кӧ ԝи бькӧжә. Ле һәгәр жь дәсте Тә те, тьштәки бькә бьра гӧне Тә ль мә бе, аликʼарийа мә бькә!» 23Иса ԝирʼа гот: «Тә гот чь? ‹Һәгәр жь дәсте тә те?› Бона йе баԝәр дькә һәр тьшт дьбә». 24Ԝе гаве баве кӧрʼьк кьрә ԛирʼин у гот: «Әз баԝәр дькьм. Аликʼарийа нәбаԝәрийа мьн бькә!» 25Гава Иса дит кӧ әʼлаләт дьбәзә, тʼопи сәр Ԝи дьбә, ль рʼӧһʼе һʼәрам һьлат у гот: «Һәй рʼӧһʼе кәрʼ у лал, Әз әʼмьри сәр тә дькьм: Жь кӧрʼьк дәркʼәвә у щарәкә дьн нәкʼәви нава ԝи!» 26Рʼӧһʼ кьрә ԛирʼин, кӧрʼьк ԛайим вәчʼьрʼьканд же дәркʼәт. У кӧрʼьк бу мина мьрийа, ӧса кӧ гәләка дьгот: «Әԝ мьр!» 27Ле Иса дәсте ԝи гьрт, әԝ рʼакьр. Кӧрʼьк жи рʼабу сәкьни. 28Чахе Иса кʼәтә мале, шагьртед Ԝи башԛә же пьрсин: «Мә чьма нькарьбу әԝ щьн дәрхьста?» 29Иса ль ԝан вәгәрʼанд у гот: «Щьне ви щурʼәйи бь тʼӧ тьшти дәрнайе, пештьри бь дӧа#9:29 Нав дәстньвисаред пашԝәхтийеда аһа йә: «Пештьри бь дӧа у рʼожийе». ».
Иса диса дәрһәԛа мьрьна Хԝәда дьбежә
(Мәтта 17:22-23; Луԛа 9:43б-45)
30Жь ԝьр чун у нав Щәлилерʼа дәрбаз бун. Иса нәдьхԝәст кӧ кәс ве йәке бьһʼәсә, 31чьмки Әԝи шагьртед Хԝә һин дькьр у ԝанрʼа дьгот: «Кӧрʼе Мерьв ԝе бькʼәвә дәсте мәрьва, әԝе Ԝи бькӧжьн, ле пәй кӧштьнерʼа рʼожа сьсийа ԝе рʼабә». 32Ле ԝана әв готьн фәʼм нәдькьр, дьтьрсийан жи кӧ жь Ԝи бьпьрсьн.
Кʼи йә йе һәри мәзьн?
(Мәтта 18:1-5; Луԛа 9:46-48)
33У әԝ һатьнә Кәфәрнаһуме. Гава Иса малда бу, жь шагьрта пьрси: «Һун рʼеда бона чь һәврʼа кʼәтьбунә дәʼԝе?» 34Ԝана дәнге хԝә нәкьр, чьмки рʼеда нав һәвда хәбәр дабун, кʼа жь ԝан кʼи йә йе һәри мәзьн. 35Иса рʼуньшт, гази һәр донздәһа кьр у ԝанрʼа гот: «Һәгәр йәк дьхԝазә бьбә йе пеш, гәрәке әԝ бьбә йе һәри паш у хӧламе һʼәмуйа». 36У дәсте зарʼокәке гьрт, нав ԝанда да сәкьнандьне, паше әԝ зарʼок да һʼәмеза Хԝә у ԝанрʼа гот: 37«Кʼи зарʼокәкә аһа бь наве Мьн ԛәбул кә, әԝ Мьн ԛәбул дькә. У кʼи кӧ Мьн ԛәбул кә, әԝ нә кӧ Мьн, ле Йе кӧ Әз шандьмә ԛәбул дькә».
Йе нә мьԛабьли мә йә, әԝ пьшта мә йә
(Луԛа 9:49-50)
38Йуһʼәнна Исарʼа гот: «Дәрсдар! Мә мәрьвәк дит кӧ бь наве Тә щьн дәрдьхьстьн, ле мә кьр кӧ әм нәһельн, чьмки әԝ пәй мә найе». 39Ле Иса гот: «Пешийе ль ԝи нәгьрьн. Кәсәк тʼӧнә кӧ бь наве Мьн кʼәрәмәтәке бькә у перʼа-перʼа бькарьбә һьндава Мьнда хьраб хәбәр дә. 40Чьмки әԝе кӧ нә мьԛабьли мә йә, әԝ пьшта мә йә. 41Әз рʼаст ԝәрʼа дьбежьм, әԝе кӧ тʼасә ав бьдә ԝә бона хатьре ԝе йәке, кӧ һун пʼара Мәсиһ ьн, әԝе һәԛе хԝә ԛәт ӧнда нәкә.
Жьрʼедәрхьстьн
(Мәтта 18:6-9; Луԛа 17:1-2)
42Кʼи кӧ жь ван бьчʼука йәки, йе кӧ баԝәрийа хԝә Мьн тинә жь рʼе дәрхә, ԝирʼа һе ԛәнщ ә, кӧ бәрашәк стуйе ԝива бе гьредане у бе авитьне нава бәʼре. 43-44Һәгәр дәсте тә, тә жь рʼе дәрдьхә, ԝи жекә! Бона тә һе ԛәнщ ә, кӧ тӧ ԛоп бькʼәви жийине, нә кӧ дӧ дәстед тә һәбьн у һәрʼи щәʼньме, нава агьре кӧ ԛәт натәмьрә.#9:43-44, 45-46 Нав һьнәк дәстньвисарада, рʼеза 48-а хьлазийа рʼеза 44 у 46-ада те ԝәкʼьландьне: «Ԝе дәре әԝе жь кӧрме нәмьри бенә котьне у агьре жи нәтәмьрә». 45-46Һәгәр ньге тә, тә жь рʼе дәрдьхә, ԝи жекә! Бона тә һе ԛәнщ ә, кӧ тӧ бе ньг бькʼәви жийине, нә кӧ дӧ ньгед тә һәбьн у бейи авитьне щәʼньме. 47Һәгәр чʼәʼве тә, тә жь рʼе дәрдьхә, ԝи дәрхә! Бона тә һе ԛәнщ ә, кӧ тӧ бь чʼәʼвәки бькʼәви Пʼадшатийа Хԝәде, нә кӧ дӧ чʼәʼве тә һәбьн у бейи авитьне щәʼньме. 48Ԝе дәре ‹әԝе жь кӧрме нәмьри бенә котьне у агьре жи нәтәмьрә›#9:48 Ишайа 66:24. . 49Чьмки һәр мәрьвәке бь егьр бе хԝекьрьне#9:49 Нав һьнәк дәстньвисарада әв жи һәйә: «У һәр ԛӧрбане бь хԝе бе хԝекьрьне». Һьнәк аһа фәʼм дькьн: «Чьмки һәр мәрьвәке бь егьр бе сафикьрьне, чаԝа кӧ һәр ԛӧрбан бь хԝе те хԝекьрьне». Ԛануна Кʼаһинтийе 2:13. . 50Хԝе тьштәки ԛәнщ ә. Ле һәгәр хԝе шорʼайийа хԝә ӧнда кә, һуне чаԝа диса шорʼайийа ԝе биньнә щи? Бьра тәʼма хԝе нава ԝәда бә у бь һәврʼа әʼдьлайийеда бьжин».
Цяпер абрана:
Марԛос 9: KmrNTC
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© Институт перевода Библии, 2000, 2011